«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
Aficyjny akaŭnt Ministerstva abarony Ukrainy nie tolki aktyŭna adsočvaje ŭ sacsietcy Threads paviedamleńni z Rasii, ale i vostra ich kamientuje. Źjedlivyja, cyničnyja i poŭnyja čornaha humaru adkazy źbirajuć tysiačy łajkaŭ. Pradstaŭlajem najbolš admietnyja prykłady takoha trolinhu za apošnija dni.
Kali paśla ataki ŭkrainskich bieśpiłotnikaŭ 11 sakavika na zavod «KujbyšaŭAzot» u Taljaci miascovyja žychary pačali narakać na ekałahičnuju katastrofu, ukrainskaje viedamstva nie zastałosia ŭ baku.
Na kryk dušy adnaho z haradžan: «My zadychajemsia! Paśla ataki na «KujbyšaŭAzot» u Taljaci ludzi skardziacca na atrutnaje pavietra!» Ministerstva abarony Ukrainy iranična paraiła:
«Heta pach svabody, atrymlivajcie asałodu».
Jašče bolš tryvožnaje paviedamleńnie pra vykid praduktaŭ hareńnia chimikataŭ, ad jakich ratavalniki traplajuć u reanimacyju, a «jad nie maje pachu i koleru», sustreła nie mienš kalučuju reakcyju:
«Pryjemny aramat bieź pierapłat».
Kali pažar na pradpryjemstvie razhareŭsia jašče macniej, karystalniki pačali narakać na maŭčańnie ŭładaŭ: «Piatuju hadzinu praciahvajecca pažar: haryć treci cech i skład z chimičnymi rečyvami. Žychary pobač z pradpryjemstvam skardziacca na reź u vačach i kašal paśla vychadu na vulicu. U pavietry adčuvajecca źjedlivy pach dymu. Ale aficyjnyja kamientary praktyčna adsutničajuć».
«Vy nie tušycie, jano tady daharyć chutčej», — dali słušnuju paradu ŭ Ministerstvie abarony.
Pad łakaničnym pastom «USU ŭdaryli pa Bransku. Metaj byŭ zavod elektroniki «Kremnij» redaktar kanała MA Ukrainy zaŭvažyŭ:
«Demilitaryzacyja, jak zamaŭlali!»
Adzin z žycharoŭ Branska nie chavaŭ emocyj: «Bransk pad masiravanym rakietnym udaram. Dziasiatki čałaviek paciarpieli ŭ vyniku rakietnaha abstrełu zavoda «Kremnij» u Bransku. (…) U miascovych pablikach Branska piekła. Heta ŭsio, da pabačeńnia».
«Heta nie «da pabačeńnia», heta pałymianaje pryvitańnie!» — udakładnili ŭ kamientarach pad jaho pastom.
Inšy karystalnik apublikavaŭ zdymak z dymam nad Branskam i podpisam: «Sotni čałaviek paciarpiełych u vyniku masiravanaha rakietnaha abstrełu zavoda «Kremnij Eł»!»
Adkaz byŭ maksimalna cyničnym:
«Nu pryhoža ž».
Sproby žycharoŭ Branska paskardzicca na «samy ciažki viečar» i niemahčymaść skazać «dobraj ranicy» sustreli iraničnaje:
«Tak usio ž narmalna, čaho vy».
Dastałosia i tym, chto sprabavaŭ vykazać salidarnaść z paciarpiełymi rehijonami. Na kamientar «Tuła z vami» Ministerstva abarony adkazała pramym abiacańniem:
«Nu raz «z vami», to i Tułu aformim».
Nie prajšli vajskoŭcy i mima spartyŭnych navin. Pad rekłamnaj abviestkaj ab Usierasijskich spabornictvach pa karate ŭ Razani, jakija projduć 3‑15 sakavika 2026 hoda, MA Ukrainy źjedliva papiaredziła:
«Dziakuj za adras. Spadziajemsia, pryjdzie jak maha bolš hledačoŭ».
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
-
Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary