MUS razhladaje mahčymaść uviadzieńnia hramadskich rabot u jakaści vidu pakarańnia
Ministerstva ŭnutranych spraŭ nie vyklučaje mahčymaści ŭviadzieńnia hramadskich rabot u jakaści pakarańnia za niekatoryja administracyjnyja pravaparušeńni, paviedamiŭ na pres-kanfierencyi 21 studzienia ŭ pres-centry BiełTA načalnik upraŭleńnia prafiłaktyki hałoŭnaha ŭpraŭleńnia achovy pravaparadku i prafiłaktyki milicyi hramadskaj biaśpieki MUS Biełarusi Aleh Karaziej.
Pavodle jaho słoŭ, ab svajoj zacikaŭlenaści razhledzieć pytańnie ab hramadskich rabotach u jakaści sankcyi, alternatyŭnaj štrafu abo administracyjnamu aryštu, užo zajaŭlali inšyja dziaržaŭnyja orhany, u pryvatnaści Hienieralnaja prakuratura.
«U pryncypie my hatovyja hetaje pytańnie razhladać, — adznačyŭ Karaziej. — Ale paŭstanie pytańnie: chto budzie heta vykonvać, heta ž taksama dadatkovaja nahruzka. U jakim paradku buduć vykonvacca hetyja raboty? Treba, kab nie źjaviłasia pytańnia ab uviadzieńni dadatkovych štatnych adzinak dla vykanańnia hetaha spahnańnia».
«Tut jość svaje vidavočnyja plusy, ale jość i minusy. Treba abmiarkoŭvać. U pryncypie pytańnie staić na paradku dnia, nie vyklučana, što jano budzie mieć raźvićcio», — dadaŭ čynoŭnik.
U toj ža čas MUS vystupaje z prapanovaj uvieści ŭ jakaści alternatyvy štrafnym sankcyjam i aryštu takuju mieru, jak papiaredžańnie, naprykład u vypadku drobnaha chulihanstva.
«U šerahu vypadkaŭ paniaćcie drobnaje chulihanstva — vielmi niapeŭnaje. Nie sfarmulavana vyrazna, što mienavita toje ci inšaje dziejańnie roŭnaje drobnamu chulihanstvu. Uklučeńnie ŭ jakaści sankcyi papiaredžańnia dazvolić orhanu, jaki razhladaje spravu, prymianiać zakon z ulikam kankretnaj situacyi, akaličnaściej, jakija źmiakčajuć abo abciažarvajuć adkaznaść, a taksama asoby pravaparušalnika», — skazaŭ Karaziej.
Kali ciapier kožny vypadak pravaparušeńnia patrabuje ad milicyi zapaŭniać mnostva papier, da prykładu rapart, pratakoł apytańnia i pratakoł ab pravaparušeńni, to papiaredžańnie možna było b vynosić, nie pačynajučy administracyjny praces i papiarovuju pracu, što jaho supravadžaje.
«Milicyjanier zmoža prosta padyści i papiaredzić čałavieka, jaki pierabieh na čyrvonaje śviatło śviatłafora, što jaho dziejańni niebiaśpiečnyja ŭ pieršuju čarhu dla jaho samoha», — rastłumačyŭ pradstaŭnik MUS.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary