Na biełaruskim Paleśsi na minułym tydni prajšli maštabnyja vučeńni rakietnych vojsk i artyleryi biełaruskaj armii, pa śladach jakich vajskoŭcy źniali karotki, ale zachaplalny videarolik.
U strelbach udzielničali 465-ja rakietnaja, 335-ja reaktyŭnaja artyleryjskaja, 51-ja hvardziejskaja artyleryjskaja bryhady i 457-y reaktyŭny artyleryjski połk.
Stralali z 152-mm haŭbic 2A65 «MSTA-B», nanosili ŭdary rakietnymi sistemami załpavaha ahniu «Śmierč» i «Urahan», taktyčnym rakietnym kompleksam «Točka». Udzielničali ŭ vučeńniach taksama RSZA «Biełhrad» — biełaruskaja madyfikacyja kłasičnaha «Hrada».
Vučeńni adbylisia ŭ niekalkich rajonach Homielskaj i Bresckaj abłaściej.
Artyleryjskija i rakietnyja ŭdary adpracoŭvalisia ŭ kompleksie z vykarystańniem bieśpiłotnaj techniki, karekciroŭki ahniu viertalotami, z udziełam padraździaleńniaŭ śpiecyjalnaha pryznačeńnia, śviedčać materyjały belta.by i vsr.mil.by.
Vajna Rasii suprać Ukrainy ŭ 2014—2015 hadach pakazała asablivuju važnaść artyleryi ŭ kanfliktach, kali abodva baki nie mohuć vykarystoŭvać avijacyju. Upieršyniu ŭ Jeŭropie abodva baki tak aktyŭna vykarystoŭvali dla naviadzieńnia artyleryjskaha ahniu bieśpiłotnyja avijacyjnyja kompleksy.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary