Ułady Hrecyi adklikali svajho ambasadara z Aŭstryi paśla taho, jak Viena nie zaprasiła Afiny na kanfierencyju pa mihracyjnych pytańniach.
Ambasadara adklikali dla kansultacyj. U paviedamleńni MZS Hrecyi havorycca, što dziejańni Afin tłumačacca žadańniem zachavać siabroŭskija adnosiny pamiž krainami.
U sieradu pradstaŭniki 10 bałkanskich dziaržaŭ prysutničali na pieramovach u Aŭstryi. Na sustrečy abmiarkoŭvalisia miery pa abmiežavańni kolkaści mihrantaŭ.
U Hrecyi, jakuju na pieramovy nie zaprasili, zajavili, što ciažar urehulavańnia mihracyjnaha kryzisu nie pavinien uskładacca na adnu krainu.
Aŭstryja i niekalki bałkanskich krain majuć namier abmiežavać kolkaść mihrantaŭ, što pavialičyć nahruzku na Hrecyju, aścierahajucca ŭ Afinach.
Na minułych vychodnych adbyŭsia incydent na makiedonska-hrečaskaj miažy. Makiedonija admoviłasia puskać afhancaŭ. Mihranty pačali pratestavać, situacyja napružvałasia, i ŭłady Hrecyi byli vymušanyja advieźci afhancaŭ u Afiny.
U lik mier pa abmiežavańni prytoku mihrantaŭ uvachodziać źniaćcie adbitkaŭ palcaŭ va ŭsich, chto sprabuje pierajści miažu. Mihrantam biez dakumientaŭ abo z padroblenymi pašpartami moža być zabaronieny ŭjezd.
Niekatoryja krainy prosiać dać im prava puskać tolki tych mihrantaŭ, jakija majuć patrebu ŭ abaronie. Jeŭrapiejskija čynoŭniki pad hetaj farmuloŭkaj razumiejuć hramadzian Siryi i Iraka.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary