«Peŭnyja ciažkaści ŭ ekanomicy adbivajucca na zaniataści», - miarkuje jon.
Pa pracu treba iści tudy, dzie jana jość. Takoje mierkavańnie siońnia vykazaŭ staršynia Hrodzienskaha abłvykankama Uładzimir Kraŭcoŭ, adkazvajučy na pytańnie padčas pramoj telefonnaj linii.
Pytańni pracaŭładkavańnia i zarobku ŭvachodziać u trojku tem, jakija stali samymi aktualnymi pry znosinach z nasielnictvam u apošnija miesiacy, paviedamiŭ hubiernatar.
«Peŭnyja składanaści ŭ ekanomicy adbivajucca na zaniataści. Naprykład, u budaŭnictvie jość składanaści z farmiravańniem partfiela zakazaŭ. Naša zadača — prapanavać ludziam alternatyvu. Tamu pad kantrolem — stvareńnie novych pradpryjemstvaŭ i pracoŭnych miescaŭ na dziejučych. U toj ža čas kali ŭ dadzieny pieryjad niejki biznes prasiadaje, to źjaŭlajucca inšyja kirunki haspadarčaj dziejnaści, dzie rabotniki patrebnyja, a dla kahości kryzis naadvarot stanovicca mahčymaściu dla rostu.
Ludziam nie varta bajacca pamianiać štości ŭ zvykłym žyćci, adpravicca pa pracu tudy, dzie jana jość.
Asabliva heta tyčycca budaŭnikoŭ. Čas dyktuje nieabchodnaść pierahledzieć staŭleńnie ludziej da pracaŭładkavańnia», — miarkuje hubiernatar.
Kamientary