Zaŭtra ŭkrainskija konsuły znoŭ pasprabujuć sustrecca z Saŭčankaj u SIZA
U narodnaha deputata Ukrainy, lotčycy Nadziei Saŭčanka, jakaja praciahvaje suchuju haładoŭku ŭ rasijskaj turmie, źjavilisia pieršyja prykmiety paharšeńnia zdaroŭja. Pra heta ŭ Facebook paviedamiŭ advakat Mikałaj Połazaŭ.
«Tolki što hutaryŭ z konsułami Ukrainy. Im udałosia prabicca ŭ SIZA da Nadziei i pahutaryć ź joj. Nadzieja demanstruje ŭstojlivaść svajho charaktaru i niepachisnaść voli. Jana ćviorda maje namier prysutničać na sudzie 09.03. I samoj skazać apošniaje słova, niahledziačy na toje, što simptomy suchoj haładoŭki ŭžo dajuć ab sabie znać — pieryjadyčna ŭźnikaje tachikardyja, aciakajuć nohi, parušanaja termarehulacyja «, - paviedamiŭ Połazaŭ.
Akramia taho, pa słovach advakata, rasijski bok zaciahvaje pytańnie, źviazanaje z dopuskam da Saŭčanki kamisii ŭkrainskich miedykaŭ.
«Zaŭtra konsuły znoŭ pasprabujuć sustrecca z Nadziejaj Saŭčankaj ŭ SIZA. Ale čas niaŭmolna minaje», - padkreśliŭ Połazaŭ.
Nadzieju Saŭčanku vinavaciać u zabojstvie rasijskich žurnalistaŭ u červieni 2014 h. pad Łuhanskam. Sama Nadzieja hetyja abvinavačvańni adkidaje. Prakuratura patrabuje asudzić jaje na 23 hady pazbaŭleńnia voli.
Ciapier čytajuć
Ceny na paliva pavyšajucca na 4 kapiejki, a praz tydzień jašče na try2
Kamientary