Viciebskim haradskim adździełam Śledčaha kamiteta rasśledujecca kryminalnaja sprava, raspačataja ŭ dačynieńni da zasnavalnika i kaardynatara dabračynnaha prajekta «Dobro tvori» Tamaševiča Dzianisa Siarhiejeviča, paviedamlaje pres-słužba Śledčaha kamiteta.
U chodzie śledstva ŭstanoŭlena, što 23-hadovy abvinavačany adkryŭ na svajo imia dabračynny rachunak u viciebskim filijale adnaho ź biełaruskich bankaŭ. Paśla čaho pry dapamozie elektronnaj pošty na adras arhanizacyj horada Minska i Viciebska razasłaŭ listy z prośbaj akazać sponsarskuju dapamohu dzieciam-sirotam, jakija žyvuć u dziciačych damach. Zahadzia nie majučy namieru pieradavać dzieciam hrošy, atrymanyja ad arhanizacyj, jakija adhuknulisia paŭdzielničać u dabračynnaści, abvinavačany zdymaŭ pieraličanyja hrašovyja srodki i rasparadžaŭsia imi pa ŭłasnym mierkavańni.
Na asnovie sabranych dokazaŭ D.Tamaševiču pradjaŭlena abvinavačvańnie pa č.3 art.209 (machlarstva, ździejśnienaje ŭ bujnym pamiery) Kryminalnaha kodeksa Respubliki Biełaruś. Da abvinavačanaha ŭžyta miera strymańnia ŭ vyhladzie źmiaščeńnia pad vartu.
Nieabchodna adznačyć, što abvinavačvany vybiraŭ arhanizacyi vypadkovym čynam, vykarystoŭvajučy daviedniki pradpryjemstvaŭ i katałohi arhanizacyj, pradstaŭlenych u Respublicy Biełaruś. U ciapierašni čas u śledčyja orhany źviarnułasia 29 arhanizacyj, zasnavalniki jakich paciarpieli ad dziejańniaŭ abvinavačanaha.
Pravaachoŭnyja orhany praciahvajuć pracavać nad vystviatleńniem faktaŭ złačynnaj dziejnaści zasnavalnika
Kali vy ličycie, što paciarpieli ad dziejańniaŭ asoby, pakazanaj na fatahrafii, prosim Vas źviarnucca va ŭpraŭleńnie Śledčaha kamiteta Respubliki Biełaruś pa Viciebskaj vobłaści pa adrasie: horad Viciebsk, praśpiekt Maskoŭski, 51A (kantaktny telefon 80212 46-21-48).
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary