Pres-sakratar prezidenta Rasii Dźmitryj Piaskoŭ admaŭlaje infarmacyju, jakaja źmiaščajecca ŭ «panamskich dakumientach», pra toje, što jaho žonka, alimpijskaja čempijonka Taćciana Naŭka, vałodaje afšornymi kampanijami.
«Ukazvajecca, što ŭ majoj žonki z 2014 pa 2015 hady byŭ afšor, afšornaja kampanija. Sprava ŭ tym, što ŭ majoj žonki nikoli nie było i niama afšornych kampanij. Jana nikoli ich nie adkryvała i, adpaviedna, nie mahła zakryvać», — zajaviŭ piaskoŭ.
Pry hetym jon nie staŭ adkazvać na pytańnie žurnalistaŭ pra toje, kali mienavita jon zarehistravaŭ šlub z Taćcianaj Naŭkaj, nazvaŭšy heta svajoj asabistaj spravaj.
Pa zakonie blizkim svajakam vysokapastaŭlenych rasijskich čynoŭnikaŭ zabaroniena karystacca zamiežnymi finansavymi instrumientami i vałodać rachunkami za miažoj.
Sama Taćciana Naŭka taksama zajaviła «Novaj haziecie», što nikoli nie vałodała nijakimi zamiežnymi kampanijami abo rachunkami. Na pytańnie vydańnia, ci moh niechta skarystacca jaje dakumientami bieź jaje viedama, jana skazała: «Ja nie viedaju, chto heta moh zrabić. Dy mnie b i samoj chaciełasia ŭ hetym razabracca».
Taksama Piaskoŭ zajaviŭ, što ŭ Kramli pakul nie bačać sensu padavać sudovyja pazovy ŭ suviazi z publikacyjaj dakumientaŭ Mossack Fonseca. Pavodle jaho słoŭ, ciapierašniaje rasśledavańnie nie ŭjaŭlaje saboj ničoha kankretnaha abo novaha asabista pra prezidenta Pucina. «Pakul heta śpiekulacyi», — skazaŭ Piaskoŭ.
U rasparadžeńni najbujniejšych suśvietnych ŚMI raniej źjavilisia miljony dakumientaŭ, u jakich pakazvajecca, što kampanija Mossack Fonseca u šerahu vypadkaŭ dapamahała klijentam admyvać hrošy, paźbiahać sankcyj i sychodzić ad padatkaŭ.
U dakumientach źmiaščajucca dadzienyja pra sakretnyja afšornyja kampanii, źviazanyja ź siemjami i paplečnikami šerahu suśvietnych lidaraŭ, u tym liku prezidenta Rasii Uładzimira Pucina.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Kamientary