Sud Łondana zamaroziŭ majomaść ukrainskaha aliharcha Kałamojskaha ŭ Jeŭropie na sotni miljonaŭ
Łondanski sud zamaroziŭ majomaść aliharchaŭ Ihara Kałamojskaha i Hienadzia Bahalubava ŭ Jeŭropie, paviedamlaje Bloomberg.
Majomaść była zamarožanaja ŭ ramkach razhladu pazovu rasiejskaj naftavaj kampanii «Tatniefć» ad 22 sakavika na ahulnuju sumu ŭ 380 miljonaŭ dalaraŭ.
Pavodle dadzienych vydańnia, sudovy order tyčycca takoj majomaści, jak pryvatny samalot, łodka i majomaść u Anhlii i Francyi. U pryvatnaści, pad jaho dziejańnie patrapiła raskošnaja viła Kałamojskaha ŭ Francyi z hiektaram ziamli, a taksama jašče 50 akraŭ ŭ francuzskim rehijonie Vierchniaja Savoja.
Datyčna Bahalubava, to pad dziejańnie ordera trapili niekalki abjektaŭ darahoj nieruchomaści, uklučna z domam pobač z Bukinhiemskim pałacam u Łondanie koštam 5,7 młn dalaraŭ.
Pazoŭ taksama tyčycca biznes-partnioraŭ aliharchaŭ — Alaksandra Jarasłaŭskaha i Paŭła Aŭčarenki. Apošni kiruje kampanijaj «Ukrtatnafta».
«Tatniefć» abvinavačvaje aliharchaŭ u niezakonnym razmyćci doli rasiejcaŭ u kampanii «Ukrtatnafta», a taksama ŭ niavypłacie hrošaj za pastaŭku nafty hetaj kampanii ŭ 2009 hodzie.
Kamientujučy pazoŭ, advakat Bahalubava Ali Malek zajaviŭ, što patrabavańni «Tatniefci» źjaŭlajucca sastarełymi i tyčacca «histaryčnych padziej». Na jaho dumku, čas padačy takoha pazovu ŭžo skončyŭsia.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m104
Kamientary