Minsk i Maskva padpišuć dakumient pa stvareńni ahulnaj infarmacyjnaj prastory z Rasijaj
Vypracavany ministerstvam infarmacyi Biełarusi i Ministerstvam suviazi i masavych kamunikacyj Rasii płan mierapryjemstvaŭ pa stvareńni ahulnaj infarmacyjnaj prastory Sajuznaj dziaržavy Biełarusi i Rasii budzie padpisany ŭ Mahilovie na pasiadžeńni Savieta ministraŭ SD, paviedamiła ministr infarmacyi Biełarusi Lilija Ananič.
Kiraŭnik Mininfarma Biełarusi ŭziała ŭdzieł u rabocie pastajanna dziejučaha sieminara Parłamienckaha schodu Sajuza Biełarusi i Rasii «Ahulnaja infarmacyjnaja prastora Sajuznaj dziaržavy» ŭ sieradu ŭ Minsku.
«U ramkach pasiadžeńnia sajuznaha Saŭmina ŭ Mahilovie budzie padpisany vypracavany dvuma ministerstvami dakumient — płan mierapryjemstvaŭ pa stvareńni ahulnaj infarmacyjnaj prastory na 2016-2017 hady. My ličym heta vielmi važnym, kab było nie tolki pahadnieńnie ab supracoŭnictvie ŭ halinie druku», — skazała Ananič, adkryvajučy sieminar.
Ministr adznačyła, što prajekty ŭ halinie ŚMI, jakija realizujucca siońnia ŭ Biełarusi i ŭ Rasii, cikavyja hramadzianam abiedźviuch dziaržaŭ. Pry hetym jana pakazała na važnaść nie tolki ŭžo isnujučych sajuznych ŚMI, ale i novych prajektaŭ.
«My chočam, kab Biełaruś nabirała infarmacyjnuju moc dziakujučy novym prajektam», — padkreśliła Lilija Ananič.
Ministr taksama paviedamiła, što ŭ ramkach Treciaha forumu rehijonaŭ Biełarusi i Rasii, jaki projdzie ŭ Minsku ŭ červieni, płanujecca pravieści fiestyval rehijanalnych telekampanij dźviuch krain. Hetym forumam užo aktyŭna cikaviacca ŭ rasijskich rehijonach, skazała jana.
Pastajanna dziejučy sieminar pry Parłamienckim schodzie SD pa pytańniach budaŭnictva SD «Ahulnaja infarmacyjnaja prastora Sajuznaj dziaržavy» budzie pracavać u Minsku na praciahu dvuch dzion. Jaho ŭdzielniki razhledziać šyroki śpiektr tem, jaki ŭklučaje aktualnyja pytańni farmiravańnia ahulnaha infarmacyjnaj prastory, jaho pravavoje rehulavańnie, biaśpieka funkcyjanavańnia i inšyja. Udzielniki płanujuć abmierkavać i mahčymaści, vykliki i adkaznaść miedyjaprastory, a taksama rolu SD va ŭmovach sučasnaj hieapalityčnaj realnaści.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary