Ministerstva infarmacyi Biełarusi admoviłasia akredytavać karespandenta i videaapieratara infarmacyjnaj kampanii BiełaPAN na XI Biełaruski mižnarodny miedyjaforum «Partniorstva ŭ imia budučyni: intehracyja jak faktar stvareńnia», jaki aficyjna adkryvajecca 13 maja ŭ Minsku.
Zajaŭku na aśviatleńnie hetaha mierapryjemstva razam z usimi nieabchodnymi dadzienymi BiełaPAN nakiravaŭ u ministerstva ŭ siaredzinie minułaha tydnia, za piać dzion da zakančeńnia terminu, adviedzienaha dla hetaj pracedury. Paviedamleńnia pra toje, akredytavanyja žurnalisty ahienctva na mierapryjemstva ci nie, ź Ministerstva infarmacyi nie pastupiła da hetaha času.
Napiaredadni aficyjnaha adkryćcia miedyjaforumu supracoŭniki pres-centra Doma presy, jaki ažyćciaŭlaje funkcyi vykanaŭčaj dyrekcyi forumu, paviedamili karespandentu ahienctva, što BiełaPAN niama ŭ śpisie akredytavanych na mierapryjemstva ŚMI. Pryčynu admovy ŭ Domie presy nie rastłumačyli, paraiŭšy źviarnucca pa tłumačeńnie ŭ Ministerstva infarmacyi.
Atrymać kamientaryj u pradstaŭnikoŭ profilnaha ministerstva na hety kont nie ŭdałosia. U toj ža čas adzin z punktaŭ paradku ab akredytacyi na heta mierapryjemstva pradstaŭnikoŭ ŚMI, apublikavanaha na sajcie Mininfarma, havoryć, što «arhanizacyjny kamitet forumu maje prava admović u akredytacyi biez tłumačeńnia pryčyn».
Na ciapierašni miedyjaforum zaprošany zvyš 300 pradstaŭnikoŭ ŚMI i roznych ekśpiertaŭ z 21 krainy. Mierapryjemstva arhanizavana Ministerstvam infarmacyi i Pastajannym kamitetam Sajuznaj dziaržavy pry padtrymcy Miždziaržaŭnaha fondu humanitarnaha supracoŭnictva dziaržaŭ — udzielnic SND, MZS Biełarusi, Minharvykankama, Minskaha i Hrodzienskaha vykankamaŭ.
Plenarnaje pasiadžeńnie miedyjaforumu projdzie ŭ zale Alimpijskaj słavy Nacyjanalnaha alimpijskaha kamiteta Biełarusi. Udzielniki mierapryjemstva voźmuć udzieł u dyskusijach «Čverć stahodździa suvierennaha raźvićcia i intehracyi» i «Sučasnyja miedyja: novyja vykliki i novyja mahčymaści», a taksama prymuć rezalucyju.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary