Fiederacyja chakieja Biełarusi maje namier pryvieźci ŭ krainu čarhovy čempijanat śvietu ŭ vyšejšym dyvizijonie, zajaviŭ jaje kiraŭnik Ihar Račkoŭski na spravazdačna-vybarnaj kanfierencyi FCHB 31 maja ŭ Minsku.
«Naša zadača — viarnuć čempijanat śvietu ŭ Biełaruś», — zajaviŭ Račkoŭski.
Pavodle jaho słoŭ, vialikaj padmohaj u hetym płanie stała abrańnie pradstaŭnika Biełarusi Siarhieja Hančarova ŭ skład savieta Mižnarodnaj fiederacyi chakieja (IICHF).
Vybary ŭ saviet IICHF prajšli ŭ Maskvie ŭ siaredzinie maja. Najaŭny skład (prezident, try vice-prezidenty i dzieviać členaŭ) abrany na čatyry hady.
Hančaroŭ, jakomu ŭ vieraśni spoŭnicca 33 hady, staŭ samym maładym členam savieta IICHF za ŭsiu jaho historyju.
31 maja spravazdačna-vybarnaja kanfierencyja zaćvierdziła pryznačeńnie Hančarova na pasadu namieśnika staršyni Fiederacyi chakieja Biełarusi.
«Majo abrańnie ŭ saviet IICHF — demanstracyja taho, što ŭ suśvietnym chakiei da Biełarusi staviacca z pavahaj, — adznačyŭ Hančaroŭ. — Bałatavacca ŭ skład savieta IICHF ja płanavaŭ praz čatyry hady, ale Ihar Anatoljevič (Račkoŭski) nastajaŭ, kab rabiŭ heta ŭžo ŭ Maskvie. U vyniku ŭsio skłałasia ŭdała. Mahčyma, heta dziakujučy tamu, što my pracavali ź inšymi fiederacyjami naŭprost i na praciahu ŭžo mnohich hadoŭ vybudoŭvali ź imi daviernyja adnosiny».
Što da zajaŭki na praviadzieńnie čempijanatu śvietu, to, pavodle słoŭ novaabranaha namieśnika staršyni FCHB, Biełaruś budzie pretendavać na turnir 2021, 2022 ci 2023 hoda.
«My pracujem pa troch čempijanatach. Budziem dziejničać pavodle situacyi. Najbolš realnym na siońniašni dzień vyhladaje 2022 hod. U 2021-m pretenduje Finlandyja. Jaje budzie ciažka abyjści. Plus 2022 hod — heta hod Alimpijady. U takija hady, jak praviła, IICHF addaje čempijanaty śvietu krainam, jakija nie ŭvachodziać u «vialikuju šaściorku» suśvietnaha chakieja», — adznačyŭ Hančaroŭ u intervju BiełaPAN.
Biudžet mahčymaha čempijanatu śvietu ŭ Biełarusi pakul nie vyznačany navat aryjencirovačna. Zaraz viadziecca praca nad aficyjnaj zajaŭkaj, jakaja budzie padadzienaja ŭ IICHF.
«Kali kazać pra hrošy, to liču vielmi važnym voś jaki momant. Kali na padrychtoŭku da ČS-2014 Biełaruś vydatkavała surjoznyja srodki na budaŭnictva aren (pavodle nieaficyjnaj infarmacyi, «Minsk-Arena» kaštavała 350 młn dalaraŭ, «Čyžoŭka-Arena» — 150 młn) i infrastrukturu, to ciapier heta ŭsio ŭ nas jość. Heta značyć atrymańnie čempijanatu śvietu zaraz vyhladaje značna bolš vyhadnym z punkta hledžańnia prybytku. Nu i nie varta zabyvać, što heta vielmi surjozny imidžavy aśpiekt», — zaŭvažyŭ Hančaroŭ.
Nahadajem, Hančaroŭ užo pracavaŭ u FCHB u jakaści hienieralnaha sakratara, kali arhanizacyju ŭznačalvaŭ Uładzimir Navumaŭ. Były kiraŭnik MUS i fiederacyi nieadnarazova padkreślivaŭ, što Hančaroŭ adyhraŭ vielmi važnuju rolu ŭ tym, što čempijanat śvietu 2014 hoda prajšoŭ u Biełarusi.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie3
Kamientary