Try čałavieki zahinuli ŭ vyniku niepahadzi, jakaja abrynułasia na Polšču 17 červienia. Pavalena mnostva dreŭ, uźnikli zatrymki ŭ ruchu ciahnikoŭ, parvanyja linii elektrapieradačy.
Jaje paviedamlaje BiełaPAN sa spasyłkaj na gazeta.pl, adzin čałaviek zahinuŭ u vyniku padzieńnia dreva na aŭtamabil, jašče dvoje — z-za abvalvańnia ścien budynkaŭ, jakija ŭzvodziacca.
Tym časam na Hrodna ŭžo abrynuŭsia livień sa škvalistym vietram, paviedamlaje BiełTA.
Stychija pryniesła paškodžańni ŭ abłasnym centry i Hrodzienskim rajonie. Na 17.30 u MNS pastupiła kala 20 paviedamleńniaŭ ab padzieńniach dreŭ, pastupajuć paviedamleńni ab adklučeńni elektryčnaści ŭ niekatorych nasielenych punktach Hrodzienskaha rajona. Jość vypadki paškodžańnia drevami aŭtamabilaŭ, paškodžańni šyfieru. U vioscy Novaja Rusota ŭpała dreva i zabłakavała vychad z chaty. Vidavočcy paviedamlajuć pra pahrozu padzieńnia kryža na adnym z chramaŭ.
Navalnicy, zalevy i štarmavy viecier prynios chałodny atmaśfierny front. Hidramiet raspaŭsiudziŭ štarmavoje papiaredžańnie: z 17.00 da 23.00 na bolšaj častcy terytoryi krainy i Minskaj vobłaści čakajucca navalnicy i ŭzmacnieńnie vietru paryvami da 15—20 m/s. Navalnicy i mocny paryvisty viecier zachavajucca ŭ noč na 18 červienia.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary