Ukraina stała vydavać biełaruskim dobraachvotnikam vajskovyja bilety
Dobraachvotniki z taktyčnaj hrupy «Biełaruś» prachodziać praceduru aficyjnaha afarmleńnia va ŭkrainskaje vojska. U pryvatnaści, im vydajuca vajennyja bilety.
U kamientary sajtu «Biełaruskija naviny» pradstaŭnik hrupy paviedamiŭ: «Častka našych bajcoŭ ciapier prachodzić praceduru afarmleńnia va ŭkrainskaje vojska. Heta nieabchodna dla atrymańnia prafiesijnaha bajavoha dośviedu i bolš lehalnaha status».
Bajcy, jakija atrymali vajenny bilet, padpisvajuć kantrakt z ukrainskaj vajskovaj čaściu. Biełaruskija dobraachvotniki vybrali dla padpisańnia kantrakta elitnuju čaść, jakaja trapiła pad vajennuju reformu. Pa ich słovach, ź imi buduć zajmacca instruktary z ZŠA dy inšych krain NATO.
Pry hetym bajcy nie pretendujuć na ŭkrainskija hramadzianstva. Jany kažuć, što zastajucca patryjotami Biełarusi i ŭ luby čas hatovyja viarnucca dla jaje abarony.
Taktyčnaja hrupa «Biełaruś» była stvoranaja ŭ 2014 hodzie. U jaje ŭvachodziać pieravažna biełaruskija dobraachvotniki va Ukrainie, ale taksama jość ukraincy i rasijanie. U hetuju hrupu ŭvachodzili ŭradženiec Bresta Aleś Čarkašyn i uradženiec Zaparožža Vital Ciliženka, jakija zahinuli pad Vałnavachaj.
Bajcy nie paviedamlajuć, kolki čałaviek u ich hrupie. Viadoma, što ŭ jaje ŭvachodziać eks-palitviazień Eduard Łobaŭ, aktyvist biełaruskaj apazicyi Jan Mielnikaŭ, a taksama bajcy z pazyŭnymi «Vajar», «Zubr» i «Tur».
Kamientary