Dva z 48 pradstaŭnikoŭ ruchu «Za Svabodu» ŭvajšli ŭ skład siami terytaryjalnych i 110 akruhovych vybarčych kamisij na vybarach u Pałatu pradstaŭnikoŭ.
Abodva pradstaŭniki ruchu, paviedamlaje pres-słužba arhanizacyi, buduć pracavać u akruhovych kamisijach Viciebskaj vobłaści: heta Hieorhij Stankievič — pa Lepielskaj akruzie № 23 i Michaił Hil — pa Pastaŭskaj akruzie № 29.
Na sumiesnym pasiadžeńni prezidyumaŭ Minskich harvykankama i harsavieta kandydatury 21 vyłučanaha pradstaŭnika ruchu «Za Svabodu» navat nie vynosilisia na abmierkavańnie. U adpaviednych pratakołach adsutničała nazva kirujučaha orhana arhanizacyi, jakaja vyłučała svaich pradstaŭnikoŭ u skład kamisij.
«Heta byŭ pieršy ekzamien dla ŭładaŭ, i hety ekzamien byŭ zavaleny, — ličyć pieršy namieśnik staršyni ruchu «Za Svabodu» Juryj Hubarevič. — Niahledziačy na libieralnuju rytoryku pra źmieny ŭ pracesie vybaraŭ i vialikuju hałosnaść i adkrytaść, padychod nie źmianiŭsia. Čynoŭniki hałasavali pa zahadzia składzienym śpisie. Praŭładnym arhanizacyjam — BRSM i «Biełaj Rusi» — było dadziena zialonaje śviatło, a dla niezaležnych arhanizacyj miescy ŭ kamisijach nie znajšłosia».
Na jaho dumku, ułady płanujuć dziejničać pa raniejšym scenaryi, kali patrebnyja im vyniki dasiahajuć šlacham falsifikacyj. «U parłamient nie traplajuć ludzi, jakija majuć realnuju hramadskuju padtrymku. Va ŭmovach kryzisu dla ŭładaŭ isnuje realnaja niebiaśpieka puścić vybary na samaciok, pakinuć ich biez kantrolu, a va ŭmovach svabodnych i spraviadlivych vybaraŭ ułada ryzykuje nie tolki prapuścić u parłamient niekalki apazicyjanieraŭ, ale i stracić «kantrolny pakiet», — adznačyŭ Hubarevič.
27 červienia zaviaršyłasia ŭtvareńnie terytaryjalnych i akruhovych kamisij na parłamienckich vybarach, jakija adbuducca 11 vieraśnia.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary