U minułuju niadzielu 35 tys. vieniesuelcaŭ naviedali susiedniuju Kałumbiju, kab nabyć samaje nieabchodnaje, jakoje stała na ich radzimie deficytam, paviedamlaje Financial Times. Jany skarystalisia rašeńniem urada Nikałasa Madura adkryć miažu na 14 hadzin, zakrytuju sa žniŭnia minułaha hoda.
U pamiežnym kałumbijskim horadzie Kukuta vieniesuelcy zakuplali rys, alej i kukuruznuju muku, jakija ŭ ich na radzimie źjaŭlajucca deficytam abo pradajucca pierakupščykami utraja daražej, piša FT.
Vydańnie sa spasyłkaj na vysokapastaŭlenych kałumbijskich čynoŭnikaŭ paviedamlaje ab raspracoŭcy płana pa pryjomie biežancaŭ na vypadak sacyjalnaha vybuchu ŭ susiedniaj krainie, dzie pražyvajuć prykładna 3 młn kałumbijcaŭ.
Na minułym tydni nie mienš za 500 žančyn ź Vieniesueły prarvali pamiežnyja kardony, kab kupić za miažoj ježu dla svaich siemjaŭ. Hubiernatar pryhraničnaha vieniesuelskaha štata Tachir Chase Vjelma Mora zajaviŭ, što hetaja akcyja była spłanavanaja apazicyjaj, kab pasiejać «chaos».
Pa dadzienych słužby apytańniaŭ hramadskaj dumki Datanálisis, u supiermarkietach Karakasa adsutničaje 80% asnoŭnych najmieńniaŭ tavaraŭ masavaha popytu.
FT sa spasyłkaj na halinovyja krynicy piša, što vytvorčaść praduktaŭ charčavańnia rezka skaraciłasia z pryčyny dziaržaŭnaha kantrolu za cenami i valutaabmiennych apieracyjach, a taksama paśla nacyjanalizacyi pradpryjemstvaŭ charčovaj industryi.
Pa acency kansałtynhavaj kampanii Ecoanalítica z Karakasa, dziaržava zapazyčyła pryvatnym pastaŭščykam i imparcioram $ 30 młrd. FT adznačaje, što deficyt tavaraŭ paŭsiadzionnaha popytu moža jašče bolš ŭzraści, bo kampanii nie mohuć kupić syravinu abo ćviorduju valutu.
Na biźnies i spažyŭcoŭ niehatyŭnaje ŭździejańnie akazvaje vysokaja inflacyja, dadaje vydańnie. U hetym hodzie jana składzie, pa acency MVF, 481%, a ŭ nastupnym čakajecca na ŭzroŭni 1647%.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary