Sajt «Biełaruski partyzan» vykazaŭ mierkavańnie, što viadomaha biznesoŭca Juryja Čyža vypuścili ź SIZA KDB pad chatni aryšt. Pra heta kažuć ludzi, jakija šmat hadoŭ adpracavali ŭ sudovaj sistemie.
Ekśpierty «Biełaruskaha partyzana» pryjšli da takoj vysnovy, praanalizavaŭšy źjaŭleńnie śviedkaŭ na sudzie byłoha saŭładalnika «Trajpła» Uładzimira Japryncava i jaho syna Kaźbieka.
Naprykład, byłoha načalnika jurydyčnaha adździeła kampanii Dźmitryja Jarmaka, aryštavanaha razam z Čyžom, u zału pasiadžeńniaŭ ŭviali ŭ kajdankach i pad kanvojem. Takija praviły dziejničajuć dla aryštavanych.
Ale Juryj Čyž u zale suda znachodziŭsia biez kajdankoŭ i nie pad kanvojem. U sud jaho dastaŭlajuć nie praz słužbovy dvor, pryznačany dla mašyn, jakija pryjazdžajuć ź izalatara. Ekśpierty zajaŭlajuć, što kiraŭnik «Trajpła» prychodzić na sudovy praces tak, jak źjaŭlajucca ludzi, jakija znachodziacca pad chatnim aryštam.
Varta adznačyć, što aficyjnych paviedamleńniaŭ pra źmienu miery strymańnia Juryju Čyžu nie było.
Biznesoŭca zatrymali 11 sakavika. Jaho padazrajuć va ŭchileńni ad vypłaty padatkaŭ i zboraŭ u asabliva bujnym pamiery.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary