26 lipienia adbyłosia pasiadžeńnie prezidyuma Savieta Ministraŭ, paviedamlaje pres-słužba ŭrada. Na im byŭ razhledžany chod rabot pa vykanańni ŭ 2016 hodzie zadańniaŭ pa stvareńni novych pracoŭnych miescaŭ i pracaŭładkavańnia hramadzian.
Kiraŭnik urada, u pryvatnaści, nahadaŭ ab pastaŭlenaj kiraŭnikom dziaržavy zadačy pa stvareńni ŭ krainie nie mienš za 50 tysiač pracoŭnych miescaŭ štohod. Źviestki, jakija dali Biełstat sumiesna ź Minpracy i sacabarony śviedčać, što ŭ cełym daviedzienyja zadańni z pačatku hoda vykonvajucca. Zapłanavana stvaryć pracoŭnyja miescy dla 8320 čałaviek pa vynikach pieršaha kvartała, pracaŭładkavana 15.824 čałavieki. Adnak nie zabiaśpiečyli vykanańnie zadańnia ŭ pieršym kvartale kancern «Biełnaftachim», Hrodzienski, Minski i Mahiloŭski abłvykankamy.
A. Kabiakoŭ adznačyŭ, što praca pa pracaŭładkavańni hramadzian na novyja pracoŭnyja miescy ŭ pieršuju čarhu nakiravana na dasiahnieńnie peŭnaha stanoŭčaha vyniku, spynieńnie niehatyŭnych tendencyj na rynku pracy i narmalizacyju stanovišča ŭ pracoŭnych kalektyvach.
«Pakul žadany vynik nie dasiahnuty, niahledziačy na pieravykanańnie zadańnia amal u dva razy, infarmacyja, jakaja pastupaje va ŭrad, pa-raniejšamu śviedčyć ab zachavańni sacyjalnaj napružanaści ŭ šerahu pracoŭnych kalektyvaŭ, vyklikanaj niapoŭnaj zaniataściu rabotnikaŭ, asabliva ŭ arhanizacyjach pramysłovaści i budaŭnictvie», — kanstatavaŭ premjer-ministr.
Kali bačnaha efiektu ŭ vyrašeńni prablemy zaniataści niama, značyć, nieabchodna znajści pryčyny hetaha, praciahnuŭ staršynia Saŭmina. Pavodle jaho słoŭ, najbolš vidavočnyja prablemy chavajucca ŭ jakasnych charaktarystykach stvoranych pracoŭnych miescaŭ.
«Kab vyrašyć prablemu zaniataści nieabchodna stvarać vysokaefiektyŭnyja i zapatrabavanyja pracoŭnyja miescy, jakija sapraŭdy patrebnyja arhanizacyjaŭ i nie stanuć dla ich u nastupstvie svojeasablivym bałastam», — upeŭnieny kiraŭnik urada.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary