Rasija pradaje Indyi čarnamorskija bajavyja karabli praz adsutnaść ukrainskich ruchavikoŭ
Try frehaty Rasija budavała dla svajho Čarnamorskaha fłotu, adnak nie zmahła dabudavać ich: paśla rasijskaj anieksii Kryma Ukraina admoviłasia pradavać ruchaviki dla varožaha fłota.
Pra heta piša aŭtarytetny vajenny časopis Jane's Defence Weekly sa spasyłkaj na krynicu ŭ rasijskaj vajennaj pramysłovaści.
Rasija sprabuje raspracavać svaje ruchaviki dla bajavych karabloŭ, adnak źjaŭleńnie takich siłavych ustanovak prahnazujecca prykładna ŭ 2019 hodzie.
U toj ža čas Indyi ništo nie pieraškadžaje atrymać ruchaviki ad Ukrainy.
Frehaty prajekta 11356 dla rasijskaha Čarnamorskaha fłotu budavalisia ŭ Kalininhradzie (byłym Kionihśbierhu). Usiaho płanavałasia zrabić dla rasijskaha fłotu jak minimum 6 frehataŭ — try dla Bałtyjskaha fłotu i try dla Čarnamorskaha. Vidavočna, dva ź ich paśpieli atrymać ukrainskija ruchaviki i zastanucca ŭ składzie rasijskich VMS, a jašče try patrapiać u Indyju. Jašče adzin tak i nie paśpieli pačać budavać.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary