Ivan Cichan pakazaŭ druhi vynik u kvalifikacyi, hałoŭny kankurent nie vyjšaŭ u finał
17 žniŭnia prajšli kvalifikacyjnyja spabornictvy siarod kidalnikaŭ mołata. U ich udzieł brali adrazu troje biełarusaŭ — Ivan Cichan, Siarhiej Kałamojec i Pavieł Barejša.
Dvoje pieršych spravilisia z kvalifikacyjaj i prajšli ŭ finalnyja spabornictvy. A voś Pavieł Barejša zastaŭsia trynaccatym, heta značyć pieršym pad rysaj finalistaŭ.
Siarhiej Kałamojec byŭ vośmym, pakazaŭšy vynik 74,29 mietraŭ.
Ivan Cichan pakazaŭ druhi vynik. Jon užo pieršym kidkom vykanaŭ kvalifikacyjny narmatyŭ. Paśla jaho kidka mołat zvaliŭsia na adlehłaści 76,51 m. Dźvie astatnija sproby naš asiłak navat nie vykonvaŭ.
Pieraŭzyści Cichana atrymałasia tolki ŭ palaka Vojcecha Navickaha. A voś inšy pradstaŭnik Polščy — hałoŭny kankurent našaha Cichana — uvohule nie spraviŭsia z kvalifikacyjaj. Pavieł Fajdek prademanstravaŭ tolki 17-y vynik.
Finał projdzie 20 žniŭnia a 3 hadzinie nočy. U Cichana jość usie šancy na załaty miedal.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary