Biełaruskija etna- i rok-hurty zapisvajuć albom piesień z małoj radzimy Ryhora Baradulina.
Udzieł u novym muzyčnym prajekcie biaruć hurty Re1ikt, Vuraj, «Varhan», Harmonic style project, Irena Katvickaja, Viktar Siamaška. «My vyrašyli pieraasensavać i adnavić vušackija pieśni, jakija ź dziacinstva Ryhoru Baradulinu śpiavała jaho maci. Hetyja pieśni natchniali i supravadžali paeta ŭsio žyćcio. A ciapier natchniajuć nas», — kaža aŭtar prajektu Siaržuk Doŭhušaŭ. Jamu paščaściła paznajomicca z Narodnym paetam i atrymać ad jaho ŭ padarunak knihu «Pieśni matčyny z Vušaččyny». Materyjał adtul i staŭ asnovaj dla prajektu.
Na dysk akramia kampazicyj sučasnych muzykaŭ uvojduć aryhinalnyja zapisy śpievaŭ maci paeta — Kuliny Baradulinaj, a taksama śpievy ŭ vykanańni samoha Ryhora Baradulina. Ciapier idzie zbor srodkaŭ na vydańnie. Reliz zaplanavany na śniežań 2016 hodu, a žyvaja prezentacyja projdzie 24 lutaha 2017 u dzień naradžeńnia Ryhora Baradulina. Paśla miarkujecca zładzić kancerty i ŭ inšych haradach Biełarusi.
Na Tuzin.fm prezentujecca dva treki, jakija ŭvojduć u hety dysk. Narodny śpieŭ «Hojknuŭ baravik» dziadźka Ryhor vykanaŭ dla adnajmiennaha albomu 2000-ha hodu, jaki daŭno staŭsia rarytetam. Hety ž tvor vykanali ŭžo dla prajektu Siarhieja Doŭhušava muzyki z hurta «Varhan».
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary