Ministr enierhietyki Rasii: Doŭh Biełarusi za haz nabliziŭsia da 300 miljonaŭ dalaraŭ
Pa apošnich dadzienych, doŭh Biełarusi pierad Rasijaj za haz składaje 270-300 miljonaŭ dalaraŭ. Pra heta ŭ efiry radyjostancyi «Echo Moskvy» 30 vieraśnia paviedamiŭ ministr enierhietyki RF Alaksandr Novak.
- U nas praciahvajucca pieramovy ź biełaruskim bokam z pryčyny zapazyčanaści za pastaŭleny haz. Taja ličba, jakaja była apošniaj, paradku dzieści 270—300 miljonaŭ dalaraŭ, — zajaviŭ ministr.
U chodzie pierahavoraŭ «razhladajucca roznyja varyjanty, bolš navat pierśpiektyŭnyja, čym hety hod pa ŭzajemadziejańni na hazavym rynku», dadaŭ jon.
— Pakolki da 1 lipienia 2019 hoda my pavinny stvaryć adziny enierhietyčny rynak elektraenierhii, a da 2025 hoda ŭ nas buduć adzinyja rynki nafty i hazu. My zaraz razhladajem u bolš šyrokim kantekście našy ŭzajemaadnosiny, - skazaŭ Novak.
Nahadajem, u lipieni 2016 hoda ministr enierhietyki paviedamiŭ žurnalistam, što doŭh Biełarusi za haz dasiahnuŭ 270 miljonaŭ dołaraŭ. To bok, za apošnija miesiacy jon vyras jašče na niekalki dziasiatkaŭ miljonaŭ.
Naftahazavy kanflikt pamiž Biełaruśsiu i Rasijaj razhareŭsia ŭ hetym hodzie. U suviazi z suśvietnym padzieńniem cenaŭ na enierhanośbity Minsk ličyć spraviadlivaj canu na haz, jaki pastaŭlajecca ŭ Biełaruś, u pamiery 73 dalaraŭ za 1000 kubamietraŭ. Ciapier cana na haz dla Biełarusi składaje 132 dalary za 1000 kubamietraŭ.
Z hazavym pytańniem ŭviazana i skaračeńnie pastavak nafty ŭ Biełaruś u trecim kvartale 2016 hoda na 2,25 młn ton nafty.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary