U centry Tbilisi vybuchnuŭ aŭtamabil apazicyjnaha palityka, paplečnika eks-prezidenta Hruzii Michaiła Saakašvili Hivi Tarhamadze. Pra heta jon zajaviŭ u efiry telekanała Rustavi2.
«Ja nie adrazu zrazumieŭ u čym sprava. Vyjšaŭ z ofisa, sieŭ z kiroŭcam u mašynu. Ja miarkuju, što vybuchovaje prystasavańnie było ŭkładziena ŭ zadniuju častku aŭtamabila», - skazaŭ deputat partyi «Adziny nacyjanalny ruch».
Tarhamadze dadaŭ, što jon i kiroŭca nie atrymali mocnych ranieńniaŭ. Jon udakładniŭ, što ŭ vyniku vybuchu paciarpieli try čałavieki, jakija prachodzili mima. Ich dastavili ŭ miedycynskija ŭstanovy.
Tarhamadze - apazicyjny deputat z partyi eks-prezidenta Michaiła Saakašvili «Adziny nacyjanalny ruch». Rasijskija ŭłady abvinavačvali jaho ŭ sprobie finansavać pratestny ruch.
8 kastryčnika ŭ Hruzii projduć parłamienckija vybary. AND biare ŭ ich udzieł.
Saakašvili, jaki zaraz uznačalvaje administracyju Adeskaj vobłaści, paabiacaŭ u vypadku pieramohi pryjechać u Hruziju. U svaju čarhu ŭłady abiacajuć jaho aryštavać.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary