Ludzi, jakija naźbirali 10000 podpisaŭ za ŭšanavańnie nacyjanalnaha ściaha Biełarusi FOTY
Radyjo «Svaboda» pacikaviłasia, chto stajaŭ u pikietach za nadańnie bieł-čyrvona-biełamu ściahu statusu niemateryjalnaj historyka-kulturnaj kaštoŭnaści. Jak kaža adzin z arhanizataraŭ Źmicier Daškievič, zvarot u Ministerstva kultury padtrymała amal 10 tysiač čałaviek.
Adzin z arhanizataraŭ zboru podpisaŭ — ciaślar Źmicier Daškievič.
Raniej da zboru podpisaŭ dałučaŭsia navat 91-hadovy vieteran vajny Mikałaj Suryn:
Zbor podpisaŭ u pierachodzie kala płoščy Jakuba Kołasa:
Na fota: źbiraje podpisy małady chłopiec Kanstancin. Da pikietu jon vyrašyŭ dałučycca na nastupny dzień paśla taho, jak pastaviŭ svoj podpis na błanku. Na pikiet jon pryjšoŭ paśla raboty i za niekalki hadzin paśpieŭ sabrać kala tryccaci podpisaŭ. «My pavinny razumieć, što ciapierašni dziaržaŭny ściah pradstaŭlaje nie najlepšy pieryjad našaj historyi. A nacyjanalny biełaruski ściah dahetul nie maje nijakaha statusu».
Pikiet u pierachodzie na stancyi mietro Malinaŭka:
Tut źbiraje podpisy student adnaho ź mienskich VNU Arciom. Za niapoŭnyja dva dni na hetym miescy jamu ŭdałosia sabrać bolš za 200 podpisaŭ.
Zbor podpisaŭ na stancyi mietro «Instytut kultury»:
Siabra Maładoha frontu Siarhiej Palčeŭski źbiraje podpisy ad pačatku kampanii. Na siońnia na jahonym rachunku bolš za 1600 štuk.
«My pakažam ludziam, što vychodzić na vulicy ź bieł-čyrvona-biełym ściaham i nie bajacca — heta narmalna», — kaža jon.
Natalla Kačanoŭskaja, jakaja pryniesła na pikiet na stancyi mietro «Kastryčnickaja» błanki z podpisami, źbirała ich u svaim domie dy na vulicach:
«Za savieckim časam ja navat i nie viedała pra bieł-čyrvona-bieły ściah. Kali pabačyła jaho ŭpieršyniu, jon mnie vielmi spadabaŭsia», — kaža Natalla Kačanoŭskaja.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary