28 kastryčnika pajšoŭ z žyćcia Alaksandr Adamavič Jaraševič, viadučy navukovy supracoŭnik adździeła staražytnabiełaruskaha mastactva Nacyjanalnaha mastackaha muzieja Respubliki Biełaruś.
Alaksandr Adamavič naradziŭsia ŭ vioscy Lubkaŭščyna Staŭbcoŭskaha rajona 28 žniŭnia 1940 hoda. U 1962 hodzie skončyŭ Biełaruski dziaržaŭny ŭniviersitet pa śpiecyjalnaści «Atamnaja fizika». Z 1965 h. vučyŭsia ŭ aśpirantury i pracavaŭ u Instytucie jadziernaj enierhietyki Akademii navuk BSSR.
Pačynajučy z 1972 h. jeździŭ u rehijony respubliki ŭ składzie navukovych ekśpiedycyj Instytuta mastactvaznaŭstva, etnahrafii i falkłoru Akademii navuk. Z 1979 h. pačaŭ pracavać u Muziei staražytnabiełaruskaj kultury IMEF AN BCCR.
U 2003 hodzie A.A. Jaraševič abaraniŭ kandydackuju dysiertacyju na temu «Manumientalna-dekaratyŭnaja skulptura Biełarusi XVII—XVIII stst.».
Z 2004 hoda pracavaŭ u Nacyjanalnym mastackim muziei Respubliki Biełaruś.
Źjaŭlajecca aŭtaram vialikaj kolkaści navukovych publikacyj pa sakralnym mastactvie Biełarusi. Pravodziŭ atrybucyi tvoraŭ biełaruskaha mastactva z muziejnych zboraŭ, byŭ natchnialnikam i aŭtaram idej mnohich vystaŭ staražytnabiełaruskaha mastactva. U apošni čas zajmaŭsia padrychtoŭkaj katałohaŭ biełaruskaha histaryčnaha partreta i ałtarnaj skulptury.
Kamientary