«Zakryćcio telekanała «Biełsat» mahło b być na karyść dyktatarskaha režymu Alaksandra Łukašenki», — havorycca ŭ zajavie Rady BNR, jakaja apublikavanaja na jaje aficyjnym sajcie.
Rada BNR «surjozna zaniepakojenaja paviedamleńniami ab pahrozie isnavańniu telekanała». «Za hady svajoj pracy «Biełsat» staŭ adnym z najbolš upłyvovych biełaruskich ŚMI, vielmi jaskravaj i vielmi važnaj ź`iavaj u biełaruskaj miedyjnaj prastory, — havorycca ŭ zajavie. — Heta ŭnikalnaja placoŭka dla vykazvańnia niezaležnaj ad uładaŭ dumki. «Biełsat» — adziny ŭ śviecie telekanał, jaki viaščaje na biełaruskaj movie. Kalektyŭ «Biełsata» stvaryŭ vydatnyja pieradačy j dakumientalnyja filmy. Va ŭmovach panavańnia ŭ Biełarusi dyktatarskaha režymu, jaki zajmajecca dyskryminacyjaj biełaruskaj movy j biełaruskaj kultury, praciahvaje savieckuju šavinistyčnuju palityku rusifikacyi i źniščeńnia biełaruskaści, «Biełsat» hraje vializnuju rolu ŭ jakaści nie tolki ŚMI, ale j jak kulturnickaja ź`iava».
U zajavie padkreślivajecca, što stvareńnie i padtrymka «Biełsata» ź`iaŭlajecca «nieacennym unioskam Polščy ŭ padmurak biełaruska-polskaha siabroŭstva».
«Zakryćcio telekanała albo jahonaje pierafarmatavańnie było b sur`ioznym udaram pa svabodzie słova ŭ Biełarusi, — padkreślivajecca ŭ zajavie. — Heta było b udaram pa intaresach demakratyi i biaśpieki ŭ našym rehijonie».
Rada BNR zaklikała ŭłady Polščy i Jeŭrasajuza padtrymać dalejšaje isnavańnie telekanała «Biełsat».
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary