«Закрыццё тэлеканала «Белсат» магло б быць на карысць дыктатарскага рэжыму Аляксандра Лукашэнкі», — гаворыцца ў заяве Рады БНР, якая апублікаваная на яе афіцыйным сайце.
Рада БНР «сур'ёзна занепакоеная паведамленнямі аб пагрозе існаванню тэлеканала». «За гады сваёй працы «Белсат» стаў адным з найбольш уплывовых беларускіх СМІ, вельмі яскравай і вельмі важнай з`явай у беларускай медыйнай прасторы, — гаворыцца ў заяве. — Гэта ўнікальная пляцоўка для выказвання незалежнай ад уладаў думкі. «Белсат» — адзіны ў свеце тэлеканал, які вяшчае на беларускай мове. Калектыў «Белсата» стварыў выдатныя перадачы й дакументальныя фільмы. Ва ўмовах панавання ў Беларусі дыктатарскага рэжыму, які займаецца дыскрымінацыяй беларускай мовы й беларускай культуры, працягвае савецкую шавіністычную палітыку русіфікацыі і знішчэння беларускасці, «Белсат» грае вялізную ролю ў якасці не толькі СМІ, але й як культурніцкая з`ява».
У заяве падкрэсліваецца, што стварэнне і падтрымка «Белсата» з`яўляецца «неацэнным унёскам Польшчы ў падмурак беларуска-польскага сяброўства».
«Закрыццё тэлеканала альбо ягонае перафарматаванне было б сур`ёзным ударам па свабодзе слова ў Беларусі, — падкрэсліваецца ў заяве. — Гэта было б ударам па інтарэсах дэмакратыі і бяспекі ў нашым рэгіёне».
Рада БНР заклікала ўлады Польшчы і Еўрасаюза падтрымаць далейшае існаванне тэлеканала «Белсат».
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі12
Каментары