Niamiecki kancern Rheinmetall i aŭstryjskaja kampanija Steyr Mannlicher stali partnierami ŭ raspracoŭcy i vytvorčaści modulnaj šturmavoj vintoŭki RS556, jakuju prapanujuć jak zamienu niamieckaj armiejskaj vintoŭcy G36, paviedamiŭ sajt Rheinmetall Group.
FRH płanuje pačynajučy z 2019 hoda pieraŭzbroić svaju armiju novaj indyvidualnaj strałkovaj zbrojaj, bo isnujučaja vintoŭka G36 vyklikała šmat krytyki paśla vykarystańnia ŭ Afhanistanie.
Novaja vintoŭka maje ahulny kalibr NATA 5,56x45 mm, mahazin z 30 patronaŭ, važyć z patronami kala 4 kh. Rula moža być chutka zamienienaja na mienš ci bolš doŭhuju ŭ zaležnaści ad umovaŭ boju. Moža źmianiacca taksama daŭžynia prykłada. Vintoŭka kamplektujecca poŭnym naboram aptyčnych, łaziernych i načnych prycełaŭ, padstvolnym hranatamiotam.
Kampanija Rheinmetall isnuje z 1889 hoda i śpiecyjalizavałasia na branietechnicy i ciažkaj zbroi, u tym liku vyrablała harmaty dla «Tyhraŭ» i «Panter» padčas Druhoj suśvietnaj vajny. Ciapier kampanija vyrablaje puški dla niamieckich tankaŭ Leopard 2, amierykanskich M1 Abrams, japonskich tankaŭ «typ 90».
Steyr Mannlicher była zasnavanaja jašče raniej — u 1864 hodzie, pastaŭlała pistalety, vintoŭki, kulamioty i hranatamioty. Jaje samy znakamity pradukt — inavacyjny aŭtamat Steyr AUG, raspracavany ŭ 1970-ja hady z kampanoŭkaj typu bułpap, intehravanym aptyčnym prycełam i šyrokim vykarystańniem płastykaŭ. Hetaj vintoŭkaj uzbrojenyja vajskoŭcy ŭ 24 krainach śvietu.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary