Pres-sakratarka Łukašenki Ejsmant stanie načalnicaj Ananič i Davydźki?
13 lutaha kiraŭnik Biełarusi Alaksandr Łukašenka padpisaŭ ukaz №40 «Ab aptymizacyi Administracyi prezidenta». Jaho tekst pakul jašče nie apublikavany na sajcie pravo.by. Peŭnuju infarmacyju nadrukavała dziaržaŭnaje ahienctva BiełTA.
Siarod inšaha, małazaŭvažnym zastaŭsia taki momant: «Novym Pałažeńniem ab pres-sakratary prezidenta Biełarusi praduhledžvajecca značnaje pašyreńnie funkcyj i paŭnamoctvaŭ pres-sakratara, u tym liku pa kaardynacyi dziejnaści najvažniejšych dziaržaŭnych srodkaŭ masavaj infarmacyi».
Atrymlivajecca, što ad 1 maja pres-sakratarka Łukašenki Natalla Ejsmant-Kirsanava zajmieje novyja abaviazki. U čym jany buduć zaklučacca? Pra heta my pacikavilisia ŭ byłoha kiraŭnika Biełteleradyjokampanii, miedyjaekśpierta z Sankt-Pieciarburha Alaksandra Zimoŭskaha.
«Było staroje pałažeńnie ab pres-sakratary ad 2001 hoda, jaho rabili dla Natalli Piatkievič. Kali skaračali namieśnikaŭ u Administracyi prezidenta, to paŭnamoctvy pieraraźmierkavali. I paŭnamoctvy taho namieśnika, jaki kuryravaŭ ŚMI, uklučyli ŭ abnoŭlenaje pałažeńnie ab pres-sakratary. Uvohule, zvyčajny biurakratyčny manieŭr», — upeŭnieny Zimoŭski.
21 śniežnia Alaksandr Łukašenka pryniaŭ rašeńnie skaracić namieśnika kiraŭnika Administracyi prezidenta Ihara Buzoŭskaha, jon adkazvaŭ za pytańni ideałohii i sacyjalnaj śfiery. Abaviazki hetaha namieśnika prapanoŭvałasia padzialić pamiž pieršym namieśnikam kiraŭnika Administracyi Maksimam Ryžankovym i Natallaj Ejsmant.
Jak bačym, za ŚMI ciapier akurat budzie adkazvać pres-sakratarka kiraŭnika krainy. Jak heta adabjecca ŭ realnaści?
«Schiema takaja: Lilija Stanisłavaŭna Ananič, kiraŭniki telekanałaŭ, BiełTA i «Sovietskaja Biełoruśsija» buduć jeździć na narady da Ejsmant, i jana budzie razdavać im ukazańni», — tłumačyć Zimoŭski.
Natalla Ejsmant była pryznačanaja na svaju pasadu ŭ listapadzie 2014 hoda. Joj 32 hady. Da hetaha pracavała viadučaj na «Biełaruś-1».
Hladzi taksama: Piać faktaŭ pra pres-sakratarku Łukašenki Natallu Ejsmant
-
Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha
-
Muzykanty vydalajuć svaju muzyku sa Spotify, bo jon spansiruje kampaniju, jakaja vyrablaje tysiačy dronaŭ dla Ukrainy
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary