Niadaŭna abrany prezident Małdovy Ihar Dadon zajaviŭ, što jamu impanuje biełaruski kaleha tym, što «jon zrabiŭ unutry krainy». Pra heta Dadon zajaviŭ u intervju DW.
«Łukašenka mnie impanuje tym, što jon zrabiŭ unutry krainy. Ekanomika pracuje jak hadzińnik, jość žorstkaja viertykal ułady», — skazaŭ Dadon.
Žurnalistka Žanna Niamcova (dačka zabitaha rasijskaha apazicyjaniera Barysa Niamcova) paryravała, što heta było dasiahnuta «za košt rasijskich hrošaj». Na što Dadon adkazaŭ: «Ja viedaju, ale ja byvaŭ u Biełarusi i baču, jak tam pracujuć ludzi, jak stvarajucca pracoŭnyja miescy».
Dadon u intervju taksama raskrytykavaŭ pahadnieńnie Małdovy ź Jeŭrasajuzam, zajaviŭšy pra hatoŭnaść padpisać ramačnaje pahadnieńnie ź JEAES.
«Heta pahadnieńnie nie supiarečyć damovie ab asacyjacyi ź ES. Ja dumaju, my praviadziom refierendum pa hieapalityčnym viektary paśla parłamienckich vybaraŭ. Ja liču, što Małdova bolš vyjhraje ad intehracyi ŭ JEAES. Heta maja pazicyja jak hramadzianina respubliki Małdova, jakuju ja ahučvaŭ sotni razoŭ. Tamu što, z punktu hledžańnia ekanomiki, z punktu hledžańnia stvareńnia pracoŭnych miescaŭ, biez rasijskaha rynka JEAES Małdova nie vyžyvie.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary