DTZ adbyłosia 14 lutaha ŭ Homieli na vulicy Fiadziuninskaha. Aŭtamabil DAI ŭrezaŭsia ŭ Volkswagen Sharan, jaki stajaŭ na śviatłafory. Jak akazałasia, u incydent trapili nie dva, a try aŭto. Dziaržaŭtainśpiekcyja prakamientavała avaryju, paviedamlaje auto.tut.by.
Pieršyja fota ź miesca DTZ źjavilisia ŭ sacsietkach. Na ich — mocna pakamiečany kapot milicejskaj Łady. Aŭtamabilu, što stajaŭ napieradzie, pašancavała bolš — na bampiery tolki lohkija ŭvahnutaści i drapiny. My źviazalisia z tymi, chto znachodziŭsia ŭ druhoj mašynie.
Žanna Łaškievič jechała z synam i ŭnučkaj pa vulicy Fiadziuninskaha. Žančyna raspaviadaje, što jany spynilisia na śviatłafory, čakali, pakul zaharycca zialony. U hety čas u ich i ŭrezalisia dziaržaŭtainśpiektary.
«Byŭ vielmi mocny chłapok, ja adčuła ŭdar pa hałavie, potym muški pierad vačyma i praź niejki čas ja zrazumieła, što adbyłosia DTZ. Na ščaście, ni syn, ni ŭnučka nie paciarpieli, bo my zaŭsiody pryšpilvajemsia. Ale paźniej mianie zabrała chutkaja, pastavili dyjahnaz strasieńnie mazhoŭ».
Pavodle słoŭ žančyny, u mašynie DAI znachodzilisia troje maładych supracoŭnikaŭ milicyi. Incydent patłumačyli tym, što śpiašalisia na zadańnie. Pry hetym, adznačaje Žanna, uklučanych probliskavych majačkoŭ čyrvonaha i siniaha koleru na milicejskim aŭto jana nie bačyła.
«Vielmi mašynu našu škada. Bo my zaŭsiody vielmi akuratna jeździm na darohach i da mašyny zaŭsiody stavilisia bieražliva i akuratna. A niechta ŭ adno imhnieńnie jaje sapsavaŭ», — aburajecca žančyna.
U DAI Homielskaha abłvykankama prakamientavali incydent.
«Narad DPS śpiašaŭsia na miesca zdareńnia, uklučyŭšy na patrulnym aŭtamabili probliskavyja majački čyrvonaha i siniaha koleraŭ razam z hukavoj sihnalizacyjaj. Ruchajučysia pa vulicy Fiadziuninskaha i padjazdžajučy da skryžavańnia z vulicaj Savieckaj, patrulny aŭtamabil vyjechaŭ na pałasu sustrečnaha ruchu, pakolki inšyja pałosy byli zaniatyja transpartam, jaki stajaŭ na śviatłafory. U hety čas nasustrač patrulnamu aŭto vyjechaŭ aŭtamabil. Kab paźbiehnuć łabavoha sutyknieńnia, supracoŭniki DAI byli vymušanyja stać u spadarožnuju pałasu, dzie i najechali na VW», — patłumačyli ŭ Dziaržaŭtainśpiekcyi.
U DAI taksama dadali, što za parušeńnie PDR u dačynieńni da supracoŭnika DAI składzieny administracyjny pratakoł pa č. 2 artykuła 18.17 KaAP RB (Parušeńnie PDR asobaj, jakaja kiravała transpartnym srodkam, što paciahnuła pryčynieńnie paciarpiełamu lohkich cialesnych paškodžańniaŭ abo paškodžańnie inšaha transpartnaha srodku, hruzu, darožnaha pakryćcia, darožnych i inšych zbudavańniaŭ abo inšaj majomaści).
U DAI paviedamili, što idzie pošuk nieŭstanoŭlenaha lehkavoha aŭtamabila ciomnaha koleru, kiroŭca jakoha nie pradastaviŭ pieravahu ŭ ruchu patrulnamu ekipažu. Hramadzian, jakija majuć jakuju-niebudź infarmacyju pra zdareńnie, prosiać paviedamić pa telefonie 8-0-232-68-44-44.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary