Kamisija pa razhladzie vynikaŭ hramadckich słuchańniaŭ sabrałasia siońnia ŭ administracyi Pieršamajskaha rajona i zaćvierdziła źmieny, pavodle jakich kanfliktnaja placoŭka, dzie niadaŭna pačałosia budaŭnictva biznes-centra, nie ŭvachodzić u achoŭnuju zonu.
Pradstaŭnik «Minskhrada» pradstaviŭ płan, spyniŭšysia na niekatorych abjektach, jakija znachodziacca ŭ Pieršamajskim rajonie — ustanovie achovy zdaroŭja i parkoŭkach. Pra budaŭnictva biznes-centra ničoha nie było skazana.
9 čałaviek prahałasavali «za», 1 — «suprać», 1 — ustrymaŭsia. Takim čynam, detalovy płan zaćvierdžany.
Aproč pradstaŭnikoŭ kamisii, na pasiedžańnie pryjšli kala 30 pradstaŭnikoŭ hramadskaści, siarod jakich Alaksiej Janukievič, Juryj Bieleńki, Pavieł Sieviaryniec, a taksama žychary Pieršamajskaha i Savieckaha rajonaŭ. Hramadskaść nastojvała, što była parušanaja pracedura vyvadu z achoŭnaj zony ŭčastka kala Kurapataŭ, dzie pačałasia budoŭla ofisnaha centra.
Voś videa abmierkavańnia z fejsbuka Alaksieja Janukieviča:
Palityki Alaksiej Janukievič i Pavieł Sieviaryniec zaklikali pravieści ŭ piatnicu a 18.00 ahulnaharadski mitynh kala Kurapataŭ.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary