Padrychtoŭka da hałoŭnaha kupalskaha fiestyvalu «Aleksandryja źbiraje siabroŭ» idzie poŭnym chodam, užo adbyłosia dva pasiadžeńni jaho pastajannaha arhkamiteta. Pryhožaje kupalskaje śviata budzie prachodzić na svajoj tradycyjnaj placoŭcy ŭ Škłoŭskim rajonie 8 i 9 lipienia.
Jaho prahrama abiacaje być nadzvyčaj cikavaj. Akcent, jak adznačyła pieršy namieśnik načalnika hałoŭnaha ŭpraŭleńnia ideałahičnaj raboty, kultury i pa spravach moładzi Mahiloŭskaha abłvykankama Alena Babrova, budzie zrobleny mienavita na mižnarodnaści. Kali letaś da pastajannych udzielnikaŭ forumu Biełarusi, Rasii i Ukrainy dałučyłasia Litva, to sioleta zavitajuć pradstaŭniki Estonii, Łatvii, Polščy i Hiermanii.
Razynačkaj fiestyvalu stanie vialikaje estradna-cyrkavoje šou «Kupalle kročyć pa płaniecie», bilety na jakoje pastupiać u prodaž užo z 1 krasavika. Pradstaŭleńnie zavieršycca jašče adnym hrandyjoznym šou — paradam fiejervierkaŭ z udziełam haściej ź inšych krain.
Vialikaje kupalskaje śviata prapanuje pryniać udzieł u paznavalnaj kvest-hulni «U pošukach paparać-kvietki», jakaja daść mahčymaść dałučycca da narodnych tradycyj našych prodkaŭ. Jość dobraja nahoda papraktykavacca ŭ vyrabie kupalskich viankoŭ i pryniać udzieł u śpiecyjalnym konkursie. Na Kupalle zaprošany falkłornyja kalektyvy i majstry dekaratyŭna-prykładnoho mastactva krain-susiedak, jakija paznajomiać sa svaimi abradami i pačastujuć nacyjanalnymi stravami. U prahramie śviata šmat vidoviščnych konkursaŭ i prezientacyj, vystavak i majstar-kłasaŭ. Jak zaŭsiody na śviacie budzie šmat smačnaj ježy i napojaŭ, dla dziaciej — hulniaŭ i zabaŭ, dla darosłych — zachaplalnych šou, u tym liku i pavietranaje z udziełam parašutystaŭ.
Na Kupalle ŭ Aleksandryju pryjeduć papularnyja biełaruskija, ukrainskija i rasijskija artysty. Siarod ich — śpiavačka z Ukrainy Iryna Biłyk, a dla amataraŭ bardaŭskaj pieśni budzie śpiavać viadomy vykanaŭca z Hiermanii Cina Ajsbrener. Viaducca pieramovy nakont udziełu ŭ fiestyvali rasijskich zorak Taćciany Bułanavaj, Mikity Praśniakova i hurta «Ruki ŭvierch».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja71
Kamientary