Źmitra Daškieviča i jašče dvuch maładafrontaŭcaŭ zatrymali: zamovili picu, a pryjechała milicyja
Praciahvajucca zatrymańni hramadskich aktyvistaŭ napiaredadni 25 Sakavika. U sieradu paśla abiedu byŭ zatrymany maładafrontaviec Źmicier Daškievič.
«Jon pracavaŭ ceły dzień, staviŭ kuchniu ŭ piśmieńnika Uładzimira Arłova, — raskazvaje žonka Źmitra Nasta Daškievič. — Zamovili ježu. Ale pryjechała nie pica, a supracoŭniki siłavych struktur. Zatrymali Źmitra Daškieviča i Arcioma Leŭčanku. Treciaha chłopca pakinuli na kvatery. Zdajecca, niešta pabili».
Sam Arłoŭ siońnia ŭ Hrodnie, prezientuje knihu. Doma ŭ Minsku była jaho žonka, Valancina Aksak. Ale ž zatrymali chłopcaŭ tolki paśla taho, jak Aksak vyjšła z chaty.
«Ja vyjšła ŭ kramu, viarnułasia, kali chłopcy — Daškievič i Leŭčanka — užo stajali ŭ padjeździe tvaram da ściany, - raspaviała spadarynia Valancina. — Ich trymali ludzi ŭ cyvilnym. Dvoje ŭ cyvilnym adrazu pajšli za mnoj, zajšli ŭ chatu — ja nie paśpieła zakryć dźviery. Jany zabrali vopratku i telefony chłopcaŭ i syjšli».
Pa słovach Valanciny Aksak, zatrymlivali Daškieviča ź Leŭčankaj kala 5 čałaviek. Usie byli ŭ cyvilnaj vopratcy, u formie jana nikoha nie bačyła.
Taksama zatrymany abaronca Kurapataŭ Siarhiej Palčeŭski, jaho vyciahvali z mašyny Daškieviča. U mašynie pabili škło z boku kiroŭcy.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary