U ofisach «Biełsata» iduć pieratrusy. Nahoda — «niezakonnaje vykarystańnie» brenda Belsat
U dvuch ofisach telekanała «Biełsat» u Minsku prajšli pieratrusy. Pa papiaredniaj infarmacyi, jany sankcyjanavanyja prakuraturaj. U adnym z ofisaŭ na momant prychodu milicyjantaŭ znachodziŭsia žurnalist Aleś Lubiančuk. Usia technika zabranaja, a Lubiančuk zatrymany.
Pra pieratrusy stała viadoma ad žurnalistki telekanała Kaciaryny Tkačenka, jakuju milicyjanty nie puścili ŭ pamiaškańnie.
U prahramny ofis kala stancyi mietro «Akademija navuk» pryjšli milicyjanty z pradpisańniem prakuratury.
U inšym ofisie, kali tudy ŭvarvalisia milicynty, znachodziŭsia žurnalist Aleś Lubiančuk. Ciapier jahony telefon vyklučany.
Žurnalistka Biełsata sprabavała patrapić u ofis a 9:20. U hety čas la ŭvachoda ŭžo stajaŭ milicyjant, jaki paviedamiŭ, što na miescy adbyvajucca «śledčyja mierapryjemstvy». U hety momant u ofisie mahli znachodzicca prynamsi dvoje žurnalistaŭ «Biełsata». Nieviadoma, ci dźviery milicyjantam adčynili, ci jany ich vybili, paviedamlaje sajt telekanała.
11:01
Paśla pieratrusu ŭ ofisie telekanała nie zastałosia nijakaha televizijnaha abstalavańnia i kampjutaraŭ. Žurnalisty kanała pryjšli ŭ pusty ofis. Aleś Zaleŭski bačyŭ, jak pahruzili ŭsio ŭ bieły miniven.
Pavodle papiaredniaj infarmacyi nikoha z žurnalistaŭ nie zatrymali.
* * *
Milicyja patłumačyła, što «pravodzicca pravierka pa fakcie niezakonnaha vykarystańnia tavarnaha znaka»
U pačatku sakavika 2017 hoda ŭ Pieršamajskaje RUUS h. Minska pastupiła zajava ad pravaŭładalnika tavarnaha znaka «BELSAT» (zarehistravany hramadzianinam Biełarusi ŭ 2001 hodzie) ab sistematyčnym parušeńni jaho vyklučnych pravoŭ na abjekt intelektualnaj ułasnaści.
U vyniku praviedzienych pravieračnych mierapryjemstvaŭ supracoŭnikami milicyi vyznačana koła asob, jakija vykarystoŭvajuć ŭkazany tavarny znak u parušeńnie st.9.21 KaAP Respubliki Biełaruś (Parušeńnie aŭtarskaha prava, sumiežnych pravoŭ i prava pramysłovaj ułasnaści). Dla praviadzieńnia nieabchodnych pracesualnych dziejańniaŭ pa miescach ich znachodžańnia praviedziena kanfiskacyja aŭdyjo- i videatechniki, kampjutarnaha abstalavańnia.
***
Kiraŭnik adździełu infarmacyjnych prahramaŭ «Biełsata» Alaksiej Dzikavicki źviazvaje pieratrusy z aktyŭnym aśviatleńniem u efiry i na sajcie telekanału akcyj pratestu suprać Dekretu №3 i razhonu Dnia Voli.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary