Rasijanie ź vialikimi stratami adstupili z Kandrataŭki Sumskaj vobłaści. Z-kanały ŭ šalenstvie
Tydzień tamu dziaržaŭnaje rasijskaje ahienctva TASS nazvała zajavy pra adstupleńnie «ŭkrainskim fejkam». Adnak ciapier infarmacyja paćvierdziłasia.
Naprykład, kanał «Biełaruski siłavik» paviedamiŭ pra stratu amal usiaho asabovaha składu 30-ha motastrałkovaha pałka VS RF:
«Siońnia maje siabry paćvierdzili, što ŭ Kandrataŭcy na Sumskim kirunku nazaŭždy zastalisia bajcy 30 msp, jakija da apošniaha ŭtrymlivali svaje pazicyi. Na žal, prarvacca da ich nie ŭdałosia. Supiernik prosta non-stop palivaŭ Chimarami, vybivajučy našu artu. Usio heta supravadžajecca bieśpierapynnymi karusielami z FPV».
Pra adychod z Kandrataŭki napisaŭ i Z-błohier Alex Parker Returns. Jon abvinavaciŭ u hetym u tym liku kiraŭnika Hienštaba VS RF Valeryja Hierasimava. I dadaŭ, što «chachły ŭžo šturmujuć Alaksiejeŭku».
Jašče adzin kanał, «Dva majory», vykazaŭ sumnievy ŭ tym, što rasijskaje vojska kali-niebudź całkam kantralavała Kandrataŭku.
«Paŭnočny kanał» piša, što papiaredžvaŭ pra pahrozu akružeńnia ŭ Kandrataŭcy.
Vyzvaleńnie Kandrataŭki ŭzbrojenymi siłami Ukrainy paćviardžaje prajekt DeepState.
4 červienia Minabarony Rasii paviedamiła pra akupacyju hetaha nasielenaha punkta. 21 lipienia TASS infarmacyju pra straty rasijskaj armii pry šturmie Kandrataŭki nazvaŭ «ukrainskim fejkam».
Kamientary