16-hadovy chłopiec, jaki padazrajecca ŭ zabojstvie dziaduli i babuli ŭ Słonimie, zaklučany pad vartu. Pra heta ŭ efiry «Alfa Radyjo» paviedamiła aficyjny pradstaŭnik Śledčaha kamiteta Julija Hančarova.
Pavodle jaje słoŭ, rasśledavańnie rezanansnaj kryminalnaj spravy praciahvajecca.
— Ciapier užo jość niekatoryja vyniki i vysnovy. Infarmacyja pra toje, što złačynstva nibyta było ździejśniena praz elektronnuju cyharetu, nie adpaviadaje rečaisnaści. Z ulikam taho, što padletak dapytany i praviedziena pravierka pakazańniaŭ na miescy złačynstva, možna kazać ab cełym kompleksie pryčyn. Kanflikt raźvivaŭsia, byŭ dosyć doŭhim. I skazać, što padstavaj pasłužyła mienavita elektronnaja cyhareta, budzie niasłušnym, — skazała aficyjny pradstaŭnik viedamstva.
Julija Hančarova taksama paviedamiła, što siońnia prakuror zadavoliŭ chadajnictva śledčych ab prymianieńni ŭ dačynieńni da niepaŭnaletniaha miery strymańnia ŭ vyhladzie zaklučeńnia pad vartu.
Akramia taho, aficyjny pradstaŭnik SK udakładniła, što padčas pravierki pakazańniaŭ na miescy złačynstva padletak pakazaŭ, jak ažyćciaŭlaŭ zabojstva svajakoŭ.
Ciapier śledčyja pravodziać dopyty śviedkaŭ: piedahohaŭ, siabroŭ i znajomych padazravanaha. Pryznačany šerah ekśpiertyz: sudova-miedycynskaja, kryminalistyčnaja i kompleksnaja psichołaha-psichijatryčnaja.
— Ciapier asnoŭnaja pracoŭnaja viersija, što dvajnoje zabojstva ździejśniŭ mienavita padletak. Ale pakul jon padazravanaja asoba, a nie abvinavačanaja, — padahulniła Julija Hančarova.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA5
Kamientary