Karpienka: Treba karennym čynam pierahledzieć padychody da zamovy na padrychtoŭku kadraŭ
Pra heta zajaviŭ ministr adukacyi Ihar Karpienka ŭ efiry telekanała ANT, paviedamlaje BIEŁTA.
Ministr kanstatavaŭ, što pakul Ministerstva adukacyi vystupaje i zamoŭcam, i padradčykam padrychtoŭki kadraŭ. Na jaho dumku, treba zychodzić z patreby ekanomiki ŭ tych ci inšych śpiecyjalistach.
«Nieabchodna vypracavać novyja kanceptualnyja padychody. Stvorana rabočaja hrupa, jakaja zojmiecca stvareńniem madeli pierśpiektyŭnaha prahnazavańnia patrebnaści ŭ prafiesijnych kadrach», — prainfarmavaŭ Ihar Karpienka.
U hetym prymajuć udzieł śpiecyjalisty Ministerstva pracy i sacyjalnaj abarony, Ministerstva ekanomiki, a taksama Nacyjanalnaha statystyčnaha kamiteta i inšyja.
«Peŭnyja vyniki hetaj pracy my pavinny atrymać užo sioleta, kab nastupnaja ŭstupnaja kampanija prajšła z ulikam źmienaŭ u adnosinach da zamovy kadraŭ, — skazaŭ ministr. — Choć u biahučym hodzie my skaracili peŭnuju kolkaść miescaŭ. Pry hetym suadnosiny biudžetnych i płatnych miescaŭ budzie 50 na 50».
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary