Da kanca 2017 hoda ARIP płanuje stvaryć na sajcie rasshet.by asabisty kabiniet karystalnika, u jakim možna budzie ŭvodzić pakazańni ličylnikaŭ vady, atrymlivać elektronnyja žyroŭki, zakazvać vypiski i inšuju infarmacyju. Pra heta paviedamiŭ vykanaŭčy dyrektar AAT «NKFA «ARIP» Uładzimir Rusin.
— My chočam, kab čałaviek nie tolki karystaŭsia prapanavanymi ŭ asabistym kabiniecie pasłuhami, ale taksama kab u jaho była mahčymaść dadavać novyja pasłuhi pa svaim mierkavańni. Z mahčymaściu mižbankaŭskaj sistemy identyfikacyi ad samoha karystalnika zaležyć, jakija kartki i rachunki jon choča kansalidavać dla dalejšaj apracoŭki dadzienaj infarmacyi, navat kali jany prynaležać roznym bankam. My chočam, kab u čałavieka była mahčymaść analizu infarmacyi za papiarednija pieryjady ažyćciaŭleńnia niejkich anłajn-apieracyj, zamovy daviedak. Taksama taki asabisty kabiniet moža spraścić praces skorynhavaj acenki, kali budzie pradastaŭlena dastatkova infarmacyi, — raspavioŭ Uładzimir Rusin.
Pry zapusku asabisty kabiniet budzie z abmiežavanym funkcyjanałam. Naprykład, u karystalnika budzie mahčymaść uvieści pakazańni ličylnikaŭ i pahladzieć historyju svaich žyrovak ź listapada 2016 hoda. Adnak u ARIP abiacajuć, što z časam pašyrać funkcyjanał. U płanach — ukaranić mahčymaść apłaty «kamunałki» prosta z asabistaha kabinieta karystalnika.
— Hetaja funkcyja moža być karysnaja klijentam, u jakich jość kartki roznych bankaŭ i jany nie zaŭsiody apłačvajuć pasłuhi ŽKH z adnaho i taho ž rachunku. U kabiniecie možna budzie kansalidavać niekalki rachunkaŭ — nie treba budzie pa niekalki raz uvodzić dadzienyja i stvarać niekalki šabłonaŭ, — patłumačyŭ Uładzimir Rusin.
Staršynia praŭleńnia NKFA «ARIP» Alena Antoni dadała, što asabistyja kabiniety karystalnikaŭ buduć stvorany nie tolki dla fizičnych, ale i dla jurydyčnych asob.
Kamientary