Małdova abviaściła piaciarych rasijskich dypłamataŭ piersonami non hrata, u suviazi z čym jany pavinny pakinuć krainu. Pra heta paviedamiła źniešniepalityčnaje viedamstva Małdovy, admoviŭšysia pry hetym tłumačyć, čamu było pryniataje takoje rašeńnie, piša DW.
Pasoł Rasii ŭ Małdovie Faryt Muchamietšyn zajaviŭ, što dyppradstaŭnictva atrymała adpaviednuju notu i vyvučaje jaje. Jon dadaŭ, što imiony dypłamataŭ buduć nazvanyja paźniej.
Paviedamlajecca, što siarod dypłamataŭ pavinien być pamočnik vajennaha ataše pasolstva Rasiei ŭ Małdovie Alaksandr Hrudzin. U sakaviku biahučaha hoda śpiecsłužby Małdovy publična abvinavacili jaho ŭ viarboŭcy i atrymańni sakretnaj infarmacyi ad byłoha deputata parłamienta Małdovy Juryja Bałbačanu, jaki byŭ aryštavany 17 sakavika. Bałbačanu abvinavačvajuć pa art. 337 «Zdrada Radzimie» i art. 338 «Špijanaž» KK Małdovy. Jamu pahražaje turemnaje źniavoleńnie na termin ad 12 da 20 hadoŭ.
Prezident Małdovy Ihar Dadon napisaŭ na svajoj staroncy ŭ fejsbuku, što «hłyboka aburany hetym niesiabroŭskim krokam z boku pradstaŭnikoŭ małdaŭskaj dypłamatyi i asudžaje jaho samym kateharyčnym čynam». Pa jaho słovach, urad u Kišyniovie zapatrabavaŭ ad rasijskaha pasła, kab piaciora dypłamataŭ pakinuli krainu na praciahu 72 hadzin.
Dadon nazvaŭ hetyja dziejańni «pramymi pravakacyjami, jakija niasuć u sabie ryzyku značnaha paharšeńnia małdaŭska-rasijskich adnosin». Jon taksama vykazaŭ mierkavańnie, što heta było zroblena «pa zamovie z Zachadu».
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary