U Dziaržynsku mužčyna zabiŭ cieścia, a cieła schavaŭ u Čavuskim rajonie
Supracoŭniki kryminalnaha vyšuku UUS Minskaj vobłaści zatrymali 37‑hadovaha mužčynu, jakoha padazrajuć u zabojstvie baćki jaho sužycielnicy.
Jak vyśvietlili ŭ milicyi, mužčyna žyŭ u Dziaržynsku razam z kachanaj i jaje 58‑hadovym baćkam. Minułaj viasnoj, kali žančyny nie było doma, pamiž im i «cieściem» na fonie daŭniaha kanfliktu ŭźnikła čarhovaja svarka, padčas jakoj padazravany zadušyŭ mužčynu.
Paśla hetaha jon vyviez cieła ŭ Čavuski rajon Mahiloŭskaj vobłaści i schavaŭ jaho, zakapaŭšy ŭ chlavie na terytoryi doma svaich baćkoŭ. U toj ža dzień jon viarnuŭsia ŭ Dziaržynsk jašče da prychodu sužycielnicy.
Doŭhi čas mužčyna ŭvodziŭ dačku zahinułaha ŭ zman, śćviardžajučy, što jaje baćka niekudy pajechaŭ, i navat adpraŭlaŭ joj paviedamleńni ź jaho telefona. Adnak ŭrešcie złačynstva ŭsio ž było raskryta.
Śledčyja raspačali kryminalnuju spravu pa artykule «zabojstva». Zatrymanamu pahražaje da 15 hadoŭ pazbaŭleńnia voli.
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary