Prezident Ukrainy Piatro Parašenka padkreślivaje važnaść zabieśpiačeńnia ŭkrainskich vajennych usimi mahčymaściami procidziejańnia rasijskaj ahresii.
Pra heta jon skazaŭ 14 červienia žurnalistam, adkazvajučy na pytańnie ab mahčymaści admieny ATA i ŭviadzieńnia vajennaha stanovišča, paviedamlaje pres-słužba kiraŭnika dziaržavy.
«Kali my admienim ATA i ŭ toj ža čas nie damo vajennym prava dziejničać adekvatna va ŭmovach ahresii — pakiniem Ukrainu biezabaronnaj», — padkreśliŭ prezident.
Pa słovach Parašenki, jon daručyŭ raspracavać zakonaprajekt pa reintehracyi Danbasa, jaki praduhledžvaje šerah mier pa viartańni akupavanych terytoryj Ukrainy.
«Pa maim daručeńni byŭ raspracavany prajekt zakanadaŭčaha akta, jaki nazyvajecca «Ab reintehracyi akupavanych terytoryj Danbasa Ukrainy. Jon achoplivaje ceły šerah mierapryjemstvaŭ i krokaŭ, jakija treba budzie ažyćciavić dla zabieśpiačeńnia reintehracyi, dla vyznačeńnia pravavoha režymu», — kanstatavaŭ kiraŭnik dziaržavy.
Parašenka padkreśliŭ, što klučavoj pazicyjaj źjaŭlajecca reintehracyja hetych terytoryj.
Pavodle jaho słoŭ, u padrychtoŭcy zakonaprajekta ŭdzielničajuć ekśpierty, narodnyja deputaty. Akramia taho, zakonaprajekt hruntujecca na ŭmovach, zamacavanych u Minskich damoŭlenaściach.
Parašenka taksama padkreśliŭ nieabchodnaść praciahu palityki sankcyj u dačynieńni da krainy-ahresara.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary