Incydent adbyŭsia dniom 16 červienia na vulicy Horkaha ŭ abłasnym centry. Pra heta paviedamili ŭ DAI UUS Hrodzienskaha abłvykankama.
«Niekalki sotniaŭ mietraŭ mašyna kaciłasia biez kiroŭcy. Pa chodzie svajho ruchu jana sutyknułasia z aŭtobusam «MAZ», kiroŭca jakoha źbiraŭsia ździejśnić levy pavarot. Spyniŭsia aŭtamabil tolki paśla najezdu na mietaličnuju aharodžu na raździalalnaj pałasie», — raspaviali ŭ DAI.
Jak paviedamili «AvtoHrodno» vidavočcy, uvieś hety čas za aŭtamabilem bieh uładalnik. Jon uvieś čas sprabavaŭ adčynić dźviery lehkavika i zaskočyć u jaho, ale chutkaść VW była zanadta vysokaja. U adzin momant mužčyna paśpieŭ adčynić dźviery aŭtamabila, ale zaskočyć nie zmoh.
Paśla taho, jak aŭtamabil urezaŭsia ŭ raździalalnuju aharodžu, da jaho jakraz padaśpieŭ kiroŭca, ale raptam adčuŭ siabie drenna. Vidavočcy sprabavali jamu dapamahčy, adnak praz 20 chvilin jon pamior.
Pa fakcie zdareńnia pravodzicca pravierka. Pryčynu śmierci vyśvietlić sudova-miedycynskaja ekśpiertyza.
Kamientary