Staršynia Alibaba Group: praz 30 hadoŭ ludzi buduć pracavać pa 4 hadziny 4 razy na tydzień
Staršynia najbujniejšaj u śviecie internet-kampanii Alibaba Group, jakaja vałodaje internet-kramaj Aliexpress, samy bahaty kitajec pa viersii Forbes Džek Ma miarkuje, što praz 30 hadoŭ ludzi buduć pracavać pa 4 hadziny 4 razy na tydzień.
U intervju CNBC jon adznačyŭ, što raźvićcio štučnaha intelektu dazvolić ludziam bolš padarožničać i mienš pracavać. «Ja dumaju, što praz 30 hadoŭ ludzi buduć pracavać tolki pa čatyry hadziny i, vierahodna, čatyry hadziny na tydzień. Moj dziadula pracavaŭ pa 16 hadzin na sielskahaspadarčych uhodździach i ličyŭ siabie vielmi zaniatym. My pracujem užo pa 8 hadzin i taksama ličym siabie vielmi zaniatymi», — paviedamiŭ staršynia Alibaba Group.
Džek Ma, nastaŭnik pa adukacyi, zaklikaŭ suśvietnych lidaraŭ źviarnuć uvahu na sistemu adukacyi, kab aŭtamatyzacyja vytvorčaści adbyłasia maksimalna lohka. «Nam nie varta stvarać mašyny, jakija padobnyja da ludziej. Lepiej było b, kab mašyny rabili toje, što čałaviek zrabić nie moža», — patłumačyŭ staršynia Alibaba Group. Taksama jon miarkuje, što kampjutary nikoli nie zmohuć mieć dośvied i mudraść, jakija jość u ludziej.
Kiraŭnik internet-hihanta taksama paviedamiŭ, što takija najbujniejšyja ŭ śviecie kampanii, jak Apple, Alphabet i Amazon, stali nastolki daminujučymi, što niekatoryja ich ličać manapalistami. Ale pośpiechi hetych kampanii mohuć pajści na spad, bo ŭsio bolš małych kampanij atrymlivajuć dostup da internetu.
U studzieni Džek Ma sustrakaŭsia z Donaldam Trampam i paabiacaŭ jamu stvaryć u ZŠA za 5 hadoŭ kala 1 młn novych pracoŭnych miescaŭ, u pieršuju čarhu za košt spraščeńnia prodažaŭ dla małoha biznesu.
Kamientary