Milicyjantam pavysiać zarobki na 10%. Tym, jakich nie zvolniać
U Biełarusi zapłanavanaje skaračeńnie štata Ministerstva ŭnutranych spravaŭ. Jak raspavioŭ ahienctvu «Minsk-Naviny» kadravik HUUS Minharvykankama Alaksandr Ramaniuk, na zekanomlenyja srodki pavysiać zarobki «nieskaročanym».
Ramaniuk zhadvaje, što pa zahadzie ministra ŭnutranych spravaŭ dziela skaračeńnia štatu byŭ stvorany admysłovy «adździeł reformaŭ i raźvićcia». Na siońnia ŭ tym liku pastaŭlenaja zadača skaracić na 10% kiroŭny aparat HUUS — nia tolki šerahovych supracoŭnikaŭ. Štat učastkovych milicyjantaŭ skaračać nie planujecca.
Choć raniej havorka viałasia pra ekanomiju biudžetnych srodkaŭ, kali vieryć Ramaniuku, zekanomlenyja srodki ciapier planujecca nakiravać na «zabieśpiačeńnie dziejnaści orhanaŭ unutranych spravaŭ». U tym liku hrošy pieranakirujuć na zarobki supracoŭnikaŭ i «hramadzianskaha persanału», a taksama techničnaje zabieśpiačeńnie. Pavodle Ramaniuka, «pakul što havorka idzie ab pavieličeńni štomiesiačnaha dachodu pravaachoŭnikaŭ na 10%».
U metach ekanomii srodkaŭ, ź jakich planujecca padvysić zarobki, budzie źmianšacca kolkaść «atestavanych» supracoŭnikaŭ: takich, jakija majuć ilhotnaje pensijnaje zabieśpiačeńnie, mahčymaść palapšeńnia žyllovych umovaŭ, dziaržaŭnuju strachoŭku, nadbaŭki za zvańnie i inšaje.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m61
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary