Brytanskaja anłajn-płatforma OnlyFans viadzie pieramovy pra prodaž kantrolnaha pakieta akcyj inviestycyjnaj kampanii Architect Capital sa San-Francyska. Mahčymaja ździełka moža zakranuć kala 60% akcyj servisu i pryvieści da źmieny kantrolu nad biznesam, paviedamlaje Reuters sa spasyłkaj na abaznanyja krynicy.
Ź infarmacyi ahienctva, OnlyFans aceńvajecca prykładna na 3,5 miljarda dalaraŭ, a z ulikam doŭhu košt kampanii moža dasiahać 5,5 miljarda. Architect Capital razhladaje nabyćcio kala 60% akcyj, što daść inviestaru klučavy ŭpłyŭ na stratehiju raźvićcia płatformy. Kampanija śpiecyjalizujecca na kiravańni aktyvami i finansavańni technałahičnych i ličbavych prajektaŭ.
Na hety momant pieramovy jašče praciahvajucca: baki abmiarkoŭvajuć acenku, abjom zavinavačanaści i ŭmovy ŭvachodu novaha inviestara ŭ kapitał OnlyFans.
Raniej, u mai minułaha hoda, Reuters paviedamlaŭ, što OnlyFans mahli pradać kansorcyumu inviestaraŭ pad kiraŭnictvam amierykanskaj Forest Road, pry hetym acenka kampanii składała 8 miljardaŭ dalaraŭ. Taksama razhladalisia i inšyja pakupniki.
Architect Capital płanuje raźvivać OnlyFans dla apłaty stvaralnikaŭ eratyčnaha kantentu biez bankaŭskaha dostupu i raźličvaje vyjści na IPO ŭ 2028 hodzie. Prybytak płatformy — kala $1,6 miljardaŭ za hod. Adziny jaje akcyjanier — 44‑hadovy amierykaniec ukrainskaha pachodžańnia Leanid Radvinski, jaki kupiŭ kampaniju ŭ 2018‑m i za try hady atrymaŭ zvyš $1 miljarda dyvidendaŭ.
18‑hadovaja błohierka zarabiła ŭ OnlyFans miljon dalaraŭ za hadzinu
U Šviecyi anłajn-seks pryraŭniali da prastytucyi: karystalnikam OnlyFans pahražaje turma
Jak za biełaruskimi apazicyjanierami špijoniła madel Onlifans
75‑hadovy niamiecki palityk źniaŭsia z vybaraŭ praź luboŭ da madelaŭ z OnlyFans
Madeli OnlyFans pačali va Ukrainie płacić padatki i vajenny zbor. Kolki ŭdałosia sabrać?
Kamientary