Niekalki hadoŭ tamu ŭ Niderłandach zakryli 19 turmaŭ, ciapier začyniać jašče piać, piša hazieta De Telegraaf.
Uzrovień złačynnaści ŭ krainie ŭvieś čas źnižajecca, a humanizacyja sistemy pakarańnia pryviała da taho, što za kraty sadziać ciapier tolki vinavatych u złačynstvach suprać asoby.
Na siońnia ŭ Niderłandach kala 13500 turemnych kamier, ź ich tracina pustuje. Začynili b i bolš viaźnic, ale nie daje prafsajuz rabotnikaŭ papraŭčych ustanoŭ. Tamu častku turmaŭ zdajuć u arendu bielhijcam i narvieham, jakim tańniej pasyłać svaich viaźniaŭ susiedziam, dzie ŭtvaryŭsia pierabor achoŭnikaŭ, čym trymać doma.
Źmiena technałohij kantrolu pryviała da taho, što ŭłady Niderłandaŭ usio čaściej nie sadziać parušalnikaŭ, a prosta kantralujuć ich pieramiaščeńnie z dapamohaj elektronnych branzaletak. Upor robicca na pieravychavańnie zładziejaŭ, na toje, kab dać im prafiesii, ź jakimi jany mahli b zakonna zarablać na žyćcio.
Źniavolenyja ŭ niderłandskich kałonijach vyroščvajuć harodninu, kvietki, hadujuć žyviołu, vykonvajuć inšyja fizičnyja pracy. Jany majuć nieabmiežavanuju mahčymaść čytać i hladzieć telebačańnie. I ŭsio adno na svabodzie lepš — tamu ŭ vysokaraźvitym hramadstvie, jak hałandskaje, nichto ŭ turmu nie rviecca, navat samuju kamfartabielnuju.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dejkała6
Kamientary