Top-10 samych strašnych technahiennych katastrofaŭ u historyi čałaviectva
Niahledziačy na vysokija dasiahnieńni čałaviectva ŭ navucy i inžynieryi, ludzi ŭsio jašče zdolnyja rabić pamyłki. Tamu čas ad času my čujem naviny pra vybuchi, pažary dy abrušeńni. U hetym artykule razmova budzie iści pra katastrofy technahiennaha, a nie pryrodnaha charaktaru. Bo kali pryrodnyja katastrofy ŭpłyvajuć na žyćcio čałavieka, ale nijak nie zdolnyja nanieści škodu płaniecie, to technahiennyja mohuć značna parušyć ustalavanuju pryrodnuju raŭnavahu.
Voś naš śpis dziesiaci najbolš strašnych razburalnych katastrofaŭ hetaha i minułaha stahodździaŭ. Pajechali!
1. Vybuch na chimzavodzie Philips
Vybuch na chimzavodzie Phillips Petroleum Company zdaryŭsia 23 kastryčnika 1989 hoda ŭ štacie Techas. Praz pamyłku supracoŭnikaŭ adbyŭsia najmahutniejšy vybuch, ekvivalentny dźvium z pałovaj tonam dynamitu. Zarehistravany vybuch byŭ roŭnym 3,5 bałaŭ pa škale Rychtera, a askiepki vybuchu byli znojdzienyja ŭ radyusie 10 kiłamietraŭ. Zahinuli 23 čałavieki, bolš za 300 atrymali ranieńni.
2. Padziemny pažar u vuhalnaj šachcie ŭ Sientrelii, štat Piensilvanija
U mai 1962 hoda haradski saviet Sientrelii naniaŭ piacioch pažarnych-dobraachvotnikaŭ dla ačystki haradskoj śmiećcievaj zvałki, raźmieščanaj u zakinutym šurfie adkrytaj šachty. Pažarnyja padpalili śmiećcievyja kučy, dazvoliŭšy im prahareć niekatory čas, a zatym patušyli. Ale z-za nie da kanca patušanaha ahniu pačali tleć bolš hłybokija słai śmiećcia, i pažar raspaŭsiudziŭsia praz adtulinu ŭ šachcie na inšyja zakinutyja vuhalnyja šachty pad Sientrelijaj. U vyniku da kanca XX stahodździa horad byŭ amal całkam adsieleny, a padziemny pažar praciahvajecca voś užo bolš za paŭstahodździa.
3. Krušeńnie ciahnika z naftaj u Łak-Miehantyk
Katastrofa adbyłasia 6 lipienia 2013 hoda na ŭschodzie kanadskaje pravincyi Kviebiek. Ciahnik, jaki pieravoziŭ 70 cysternaŭ z naftaj, syšoŭ z rejek, i cysterny vybuchnuli. Budynki u centry horada byli źniščanyja vybucham i nastupnym pažaram, zahinuła kala piacidziesiaci čałaviek.
4. Techaski vybuch
16 krasavika 1947 hoda ŭ porcie horada Techas-Sici, ZŠA, na borcie francuzskaha sudna «Hrankamp» adbyŭsia pažar, jaki pryvioŭ da detanacyi kala 2100 ton nitratu amonija, što paciahnuła za saboj łancuhovuju reakcyju ŭ vyhladzie pažaraŭ i vybuchaŭ na bližejšych karablach i naftaschoviščach.
U vyniku trahiedyi zahinuŭ pa mienšaj miery 581 čałaviek, bolš za 5000 čałaviek atrymali ranieńni, 1784 trapili ŭ balnicy. Port i značnaja častka horada byli źniščany. Bolš za 1100 aŭtamabilaŭ byli paškodžanyja i 362 hruzavych vahonaŭ złamanyja. Majomasny ŭron aceńvajecca na $100 miljonaŭ. Hetyja padziei vyklikali pieršy ŭ historyi kalektyŭny pazoŭ suprać urada ZŠA.
5. Katastrofa na dambie Bańciao
8 žniŭnia 1975 hoda praz pavodku, vyklikanuju tajfunam Nina, dambu prarvała, ŭ vyniku čaho patanuli 26 tysiač čałaviek i sotni tysiač paciarpieli.
6. Bchapalskaja katastrofa, Indyja
U vyniku avaryi na chimzavodzie pa vytvorčaści piestycydaŭ adbyŭsia vykid atrutnaha rečyva mietylizacyjanata, jaki zachoŭvaŭsia ŭ troch častkova zakapanych u ziamlu jomistaściach, kožnaja ź jakich źmiaščała kala 60 000 litraŭ vadkaści. U vyniku 3 śniežnia 1984 hoda ŭ atmaśfieru było vykinuta kala 42 ton atrutnych paroŭ. Try tysiačy čałaviek zahinuli niepasredna ŭ dzień avaryi. Pa niekatorych dadzienych, ahulnaja kolkaść paciarpiełych ad avaryi aceńvajecca ŭ 600 tysiač čałaviek, što abumoŭlena vialikaj ščylnaściu nasielnictva ŭ Indyi.
7. Zatapleńnie Bostana patakaj
Katastrofa adbyłasia 15 studzienia 1919 hoda na ałkaholnym zavodzie Purity Distilling Company ŭ časy «suchoha zakona». Dla vytvorčaści etanoła vykarystoŭvali miełasu — čornuju pataku z tryśniahovaha cukru. Napiaredadni ŭviadzieńnia poŭnaj zabarony na vyrab i prodaž ałkaholu ŭładalniki imknulisia paśpieć zrabić jak maha bolš ałkaholnaj pradukcyi. Vidavočcy čuli hučnyja vopleski, jakija nahadvajuć kulamiotnyja čerhi (vierahodna, razyšlisia złučanyja zaklopvańniami stalnyja arkušy ścienki reziervuara). Ziamla zdryhanułasia, niby prajšoŭ ciahnik. Na vulicy horada chłynuła chvala pataki vyšynioj da 4,5 m. Ludzi i koni hinuli ad udušša, bo byli niazdolnyja vybracca ź viazkaha rečyva. Zahinuŭ 21 čałaviek, kala 150 trapili ŭ balnicy.
8. Abvalvańnie handlovaha centra ŭ banhładešskim horadzie Savary
24 krasavika 2013 hoda handlovy centr Rana-Płaza pavaliŭsia ŭ hadzinu pik praź nievykanańnie techniki biaśpieki pry budaŭnictvie. Zahinuła 1127 čałaviek, paciarpieli jašče 2500.
9. Avaryja na Sajana-Šušanskaj HES, Rasija
Na momant avaryi 17 žniŭnia 2009 hoda HES niesła nahruzku ŭ 4100 MVt. Piersanał elektrastancyi, jaki znachodziŭsia ŭ mašynnaj zale, pačuŭ hučny chłapok i ŭbačyŭ vykid mahutnaha słupa vady. Patoki vady chutka zatapili mašynnuju zału i pamiaškańni, što znachodzilisia pad joj. Usie hidraahrehaty HES byli zatoplenyja, što supravadžałasia karotkimi zamykańniami. U vyniku avaryi zahinuła 75 čałaviek, vytvorčaść elektraenierhii była prypynienaja. Nastupstvy avaryi adbilisia na ekałahičnaj i sacyjalna-ekanamičnaj abstanoŭcy rehijonu.
10. Čarnobylskaja avaryja
Najbujniejšaja avaryja za ŭsiu historyju suśvietnaj atamnaj enierhietyki, jakaja stała svojeasablivym simvałam technahiennych katastrof, adbyłasia 26 krasavika 1986 hoda. Vybuch reaktara na Čarnobylskaj AES vykinuŭ u atmaśfieru radyjoaktyŭnyja rečyvy, z-za čaho pryjšłosia evakuiravać i adsialać značnuju častku terytoryj Biełarusi i Ukrainy. Niepasredna ŭ dzień avaryi zahinuŭ 31 čałaviek, ale kolkaść dalejšych śmierciaŭ ad nastupstvaŭ katastrofy ciažka navat ujavić. Avaryja pryviała da niezvarotnych nastupstvaŭ, paŭpłyvaŭšy na losy i zdaroŭje niekalkich pakaleńniaŭ ludziej.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami42
Kamientary