Ranicaj 6 lipienia nie stała hramadskaj aktyvistki, siabra arhkamiteta historyka-kulturnickaha abjadnańnia «Viartańnie pamiaci» Viktoryi Tkačuk.
Joj było 39 hadoŭ, pracavała markietołaham. Viasnoj joj byŭ dyjahnastavany rak padstraŭnikavaj załozy, Viktoryja zhareła litaralna za miesiac. U nacyjanalnym ruchu Tkačuk była bolš za dziesiać hadoŭ.
Apošnim časam Viktoryja Tkačuk zajmałasia akcyjami ŭ abaronu Kurapataŭ, źbirała hrošy na padtrymku niezaležnaści Ukrainy, zaklikała padtrymlivać aryštavanych pa «Spravie patryjotaŭ», pisać im listy.
Viktoryja pisała vieršy pad psieŭdanimam Vička Kryvička. Voś apošni ź ich, u jakim jana piša pra chutki sychod:
Voś i ŭsio…
A što zastaniecca?
Čym paśpieła adznačyć šlach?
Moža, ŭ niečym hukniecca sercy
Uspamin, što kaliści była?
Moža, para niazhrabnych vieršaŭ,
Napisanych krychu nie ŭ ład,
U kahości abudziać uśmiešku…
Nie daremna tady była.
U Viktoryi Tkačuk zastalisia mama i tata, a taksama siastra.
Kamientary