Žanicca nie admaŭlajecca: žycharu Vilejki pahražaje termin za suviaź ź niepaŭnaletniaj, jakaja čakaje dzicia
Maładyja ludzi žyvuć u adnoj vioscy na Vilejščynie. Znajomyja byli daŭno, sustrakajucca ad śniežnia 2016 hoda. Chłopcu 24 hady, dziaŭčynie niadaŭna spoŭniłasia 16. Jana vučycca ŭ siaredniaj navučalnaj ustanovie Vilejskaha rajona. Kachany pracuje na pradpryjemstvie ŭ Vilejcy.
Kali dziaŭčyna zaciažaryła, joj jašče nie było 16.
Jak raskazaŭ načalnik vilejskaha rajonnaha adździeła Śledčaha kamiteta Jaŭhien Miahkoŭ, 24-hadovy chłopiec viedaŭ, što kachanaj niama 16. Pa słovach chłopca, jon abmiarkoŭvaŭ z kachanaj jaje ŭzrost, ale dziaŭčyna była nie suprać intymnych adnosin.
Pakul chłopiec nie admaŭlajecca ad dziciaci i kachanaj. Jon zhodny žanicca i vychoŭvać dzicia.
Adnak, pa słovach Jaŭhiena Miahkova, heta nie vyzvalaje padazravanaha ad pakarańnia. Bo skład złačynstva tut usio roŭna jość.
— Zdarajecca, što takija zakachanyja za ručku ŭ sud prychodziać, — padzialilisia ŭ Śledčym kamitecie.
Pra toje, što niepaŭnahadovaja čakaje dzicia, u milicyju paviedamili ź vilejskaj rajonnaj balnicy ŭ pačatku žniŭnia.
Za takoje złačynstva, pavodle Kryminalnaha kodeksu, mohuć pazbavić voli na čatyry hady abo pakarać abmiežavańniem voli na hety ž termin i štrafam.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary